ફતેહગઢ પંજતુર શહેરના કડાહેવાલા ગામ પાસે વહેલી સવારે આ અકસ્માત થયો હતો. ટ્રક અને કાર વચ્ચે અથડામણ થઈ હતી. આ જોરદાર અથડામણમાં કારના ટુકડા થઈ ગયા હતા. આ અકસ્માતમાં પાંચ લોકોના મોત થયા હોવાના અહેવાલ છે. પાંચેય મૃતદેહોનો કબજો લઈ પોસ્ટમોર્ટમ માટે મોકલી આપવામાં આવ્યા છે.
આ ઘટના સવારે બેથી ત્રણ વાગ્યાની વચ્ચે બની હતી. કારમાં સવાર પાંચેય લોકોના ઘટના સ્થળે જ મોત થયા હતા. મૃતકોની ઓળખ થઈ ગઈ છે. તમામ મોગા જિલ્લાના શેરપુર તૈબા ગામના રહેવાસી છે. પાંચેય મૃતદેહોને સિવિલ હોસ્પિટલ લઈ જવાયા છે. અકસ્માત અંગે પરિવારજનોને જાણ કરવામાં આવી છે. રિપોર્ટ આવ્યા બાદ મૃતદેહ પરિવારજનોને સોંપવામાં આવશે. પોલીસે અકસ્માતનો ગુનો નોંધી તપાસ શરૂ કરી છે. ટ્રકના ડ્રાઈવરની પણ અટકાયત કરવામાં આવી છે.
મોગામાં માર્ગ અકસ્માત : ટ્રક અને કાર વચ્ચે અથડામણ, પાંચ લોકોના મોત
