કેરળમાં પેલેસ્ટાઈનના સમર્થનમાં કોંગ્રેસે યોજી રેલી- જાહેર સભા

કેરળના કોઝિકોડમાં કોંગ્રેસના રાજ્ય એકમે પેલેસ્ટાઈનના સમર્થનમાં જાહેર સભાનું આયોજન કર્યું હતું. આ રેલીનું ઉદ્ઘાટન કોંગ્રેસના રાષ્ટ્રીય મહાસચિવ કેસી વેણુગોપાલે કર્યું હતું. કેરળમાં કોંગ્રેસ ગઠબંધનનો હિસ્સો એવા ઈન્ડિયન યુનિયન મુસ્લિમ લીગને પણ આ રેલીમાં ખાસ આમંત્રણ આપવામાં આવ્યું હતું. કેરળના ઉત્તર ભાગમાં (માલાબાર પ્રદેશ) મુસ્લિમોની વસ્તી વધુ છે. આ સમગ્ર વિભાગમાં મુસ્લિમ લીગનું વર્ચસ્વ છે.
ગયા મહિને મુસ્લિમ લીગે કોઝિકોડમાં હમાસ અને પેલેસ્ટાઈનના સમર્થનમાં એક રેલીનું પણ આયોજન કર્યું હતું, જેમાં એકત્ર થયેલા લોકોએ તમામ રેકોર્ડ તોડી નાખ્યા હતા. જો કે આજની કોંગ્રેસની બેઠક પેલેસ્ટાઈનના સમર્થનમાં અવાજ ઉઠાવવાની હતી, પરંતુ મંચ પર એક પણ નેતા એવો ન હતો કે જેણે પેલેસ્ટાઈનના નામે પીએમ નરેન્દ્ર મોદીને કોસ્યા ન હોય. તમામ નેતાઓએ કહ્યું કે અત્યાર સુધી ભારત પેલેસ્ટાઈનનું સમર્થન કરતું આવ્યું છે, પરંતુ ઈઝરાયેલનું સમર્થન કરીને પીએમ મોદીએ દુનિયાની સામે ભારતનું અપમાન કર્યું છે.
રેલીની શરૂઆત કોંગ્રેસ પ્રદેશ એકમના અધ્યક્ષ કે સુધાકરને પીએમ મોદીને શ્રાપ આપીને કરી હતી. તેમણે ગાઝામાં આજે જે થઈ રહ્યું છે તેની સીધી તુલના ગુજરાતના રમખાણો સાથે કરી હતી. તેમણે કહ્યું કે અત્યાર સુધી ભારતે પેલેસ્ટાઈનને સમર્થન આપ્યું હતું, પરંતુ નરેન્દ્ર મોદીના આગમન બાદ તે સ્ટેન્ડ બદલાઈ ગયું. નરેન્દ્ર મોદી કોમવાદી છે,.