ભારત અને ઓસ્ટ્રેલિયા વચ્ચે પાંચ ટી-20 શ્રેણીની પ્રથમ મેચમાં ઓસ્ટ્રેલિયાએ પ્રથમ બેટિંગ કરીને ત્રણ વિકેટના નુકસાને 208 રન બનાવ્યા હતા. જેના જવાબમાં ટીમ ઈન્ડિયાએ 19.5 ઓવરમાં 8 વિકેટના નુકસાને ટાર્ગેટ પાર પાડતા વિજય થયો છે.પાંચ મેચોની શ્રેણીમાં ભારતીય ટીમે 1-0થી સરસાઈ મેળવી લીધી છે, હવે સિરીઝની બીજી મેચ તિરુવનંતપુરમમાં 26 નવેમ્બરે રમાશે.
ઓસ્ટ્રેલિયાએ આપેલા 209 રનના ટાર્ગેટનો પીછો કરવા ઉતરેલી ભારતીય ટીમની શરૂઆત ખરાબ રહી હતી. પહેલી ઓવરમાં જ ઋતુરાજ ગાયકવાડ રન આઉટ થયો હતો. જોકે, બાદમાં જયસ્વાલ પણ નાની આક્રમક ઈનિંગ રમીને મેથ્યુ શોર્ટનો શિકાર બન્યો હતો. ત્યારબાદ ઈશાન કિશન અને સૂર્યકુમાર યાદવે ત્રીજી વિકેટ માટે 108 રનની ભાગીદારી કરી હતી. ઈશાન કિશને અને સૂર્યકુમાર યાદવે શાનદાર ફિફ્ટી ફટકારી હતી. ઈશાને 39 બોલમાં 5 છગ્ગા અને 2 ચોગ્ગાની મદદથી 58 રન બનાવાની આઉટ થયો હતો. જ્યારે સૂર્યકુમાર 42 બોલમાં 9 ફોર અને 4 સિક્સની મદદથી 80 રન બનાવ્યા હતા.
