આજથી ત્રણ દિવસ રાજ્યમાં વરસાદ પડવાની શક્યતા છે. હવામાન વિભાગે આજથી બે દિવસ દક્ષિણ તેમજ મધ્ય ગુજરાતમાં વરસાદ પડવાની આગાહી કરી છે. 26મીએ સમગ્ર રાજ્યમાં વરસાદની શક્યતા છે.
દક્ષિણ ગુજરાતમાં વલસાડ, નવસારી, ડાંગ, દમણ દાદરા નગર હવેલીમાં વરસાદની સંભાવના છે. તો મધ્ય ગુજરાતમાં દાહોદ, પંચમહાલ, ખેડા, આણંદમાં વરસાદની આગાહી છે. સૌરાષ્ટ્રમાં ભાવનગર, અમરેલી, ગીરસોમનાથ, બોટાદમાં પણ વરસાદ પડી શકે છે. તો 26 નવેમ્બરે સમગ્ર રાજ્યમાં વરસાદી માહોલ રહેશે. અમદાવાદમાં ઠંડી સાથે વરસાદી માહોલ રહેશે. 4 દિવસ બાદ તાપમાન ઘટતા રાજ્યમાં ઠંડી વધશે.