કતારના વિદેશ મંત્રાલયના પ્રવક્તાએ સોશિયલ મીડિયા પ્લેટફોર્મ એક્સ પર જણાવ્યું હતું કે, ગાઝા પટ્ટી પર માનવીય યુદ્ધવિરામને વધારવા માટે કરાર કર્યો છે. હવે આ બે દિવસ માટે વધારવામાં આવી રહ્યું છે. તેમણે કહ્યું કે, કતાર જાહેરાત કરે છે કે ચાલી રહેલી મધ્યસ્થા હેઠળ ગાઝા પટ્ટીમાં માનવીય યુદ્ધ વિરામને વધુ બે દિવસ માટે વધારવા પર એક કરાર થયો છે
ઇઝરાયેલ-હમાસ વચ્ચે યુદ્ધવિરામના ચોથા દિવસે 11 ઇઝરાયેલી બંધકોને મુક્ત કરવામાં આવ્યા હતા. ઇઝરાયેલ સંરક્ષણ દળોએ રેડ ક્રોસને બંધકોને મુક્ત કરવાની પુષ્ટિ કરી. બંધકોની મુક્તિ માટે ઈઝરાયેલ અને હમાસ વચ્ચે કરાર હેઠળ ઇઝરાયેલના બંધકોને મુક્ત કરવાના બદલામાં ઇઝરાયેલ જેલમાં બંધ પેલેસ્ટાઇનીઓને મુક્ત કરશે. કતારના વિદેશ મંત્રાલયના પ્રવક્તાએ જણાવ્યું કે, યુદ્ધવિરામના ચોથા દિવસે ઈઝરાયેલે 33 પેલેસ્ટાઈનીઓને મુક્ત કરાયા, જેના બદલામાં હમાસે 11 ઈઝરાયેલી બંધકોને મુક્ત કર્યા. 52 દિવસ પછી 11 ઈઝરાયેલના નાગરિકો તેમના પરિવારને મળશે.
એલન મસ્કનું ઈઝરાયલને સમર્થન
ઈઝરાયલ અને પેલેસ્ટાઈનના કટ્ટરપંથી સંગઠન હમાસ વચ્ચે ચાલી રહેલા યુદ્ધ વચ્ચે એક્સ અને ટેસ્લાના CEO એલન મસ્ક ઈઝરાયલ પહોંચ્યા છે. તેમણે અહીં વડાપ્રધાન બેન્ઝામિન નેતન્યાહૂ સાથે મુલાકાત કરી અને આ યુદ્ધને લઈને ઈઝરાયલનું સમર્થન કર્યું. એલન મસ્ક કહ્યું કે, ઈઝરાયલ અને હમાસ વચ્ચે યુદ્ધ ખતમ થયા બાદ તેઓ ગાઝાનું પુનઃનિર્માણ કરવામાં મદદ કરવા ઈચ્છશે, પરંતુ પેલેસ્ટાઈન વિસ્તારોને કટ્ટરપંથથી મુક્ત કરાવવા મહત્વપૂર્ણ છે.
