શું બળાત્કાર કેસમાં મહિલાને આરોપી બનાવી શકાય?

સુપ્રીમ કોર્ટે પ્રશ્ન ઉઠાવ્યો હતો કે શું ભારતીય દંડ સંહિતાની કલમ 375 હેઠળ બળાત્કારના કેસમાં મહિલાને આરોપી બનાવી શકાય છે? સર્વોચ્ચ અદાલતે બળાત્કારના કેસમાં 62 વર્ષીય વિધવા આરોપીની આગોતરા જામીન અરજી પર આ સવાલ ઉઠાવ્યો છે. આગોતરા જામીનની માંગ કરતા મહિલાએ કહ્યું છે કે તેના પુત્ર સામે બળાત્કારનો ખોટો કેસ નોંધવામાં આવ્યો છે અને તેને પણ આ કેસમાં ફસાવી દેવામાં આવી છે.
જસ્ટિસ હૃષિકેશ રોય અને સંજય કરોલની બેન્ચની સુનાવણી દરમિયાન પોતાની મૌખિક ટિપ્પણીમાં કહ્યું હતું કે, ‘અમારા મતે આઈપીસીની કલમ 375 હેઠળ માત્ર પુરુષ પર જ બળાત્કારનો આરોપ લગાવી શકાય છે.’ આ સાથે જ સુપ્રીમ કોર્ટે મહિલાની આગોતરી અરજી નામંજૂર કરી હતી.જામીન અરજી પર નોટિસ ફટકારવામાં આવી છે અને પ્રતિવાદી પાસેથી જવાબ માંગવામાં આવ્યો છે. બેન્ચે કહ્યું કે તે આ પ્રશ્ન પર વિચાર કરશે.
આઈપીસીની કલમ 375 હેઠળ ‘બળાત્કાર’ના ગુનાની વ્યાખ્યા કરવામાં આવી છે. આ પહેલા મહિલા વતી હાજર રહેલા એડવોકેટે કહ્યું હતું કે કોઈપણ મહિલા વિરુદ્ધ બળાત્કારનો કેસ નોંધી શકાય નહીં. એડવોકેટે બેન્ચને જણાવ્યું હતું કે તે સ્થાયી કાયદો છે કે સામૂહિક બળાત્કારના મામલામાં મહિલાને સામાન્ય ઇરાદો શેર કરવા માટે કહી શકાય નહીં. કારણ કે મહિલાઓને બળાત્કારની વ્યાખ્યાના દાયરાની બહાર રાખવામાં આવી છે. મહિલાએ આ મામલામાં પંજાબની નીચલી અદાલત અને પંજાબ અને હરિયાણા હાઈકોર્ટ દ્વારા આગોતરા જામીન અરજી ફગાવવાને સુપ્રીમ કોર્ટમાં પડકાર્યો છે.