ચીનમાં ફેલાતા શ્વસન એમ.ન્યુમોનિયાના 7 કેસ પણ દિલ્હી AIIMSમાં નોંધાયા છે. તપાસમાં ઓળખાયેલા દર્દીઓ પર નજર રાખવામાં આવી રહી છે.
આ વર્ષે ચીનમાં ફેલાતા એમ. ન્યુમોનિયાના 7 કેસ દિલ્હી AIIMSમાં નોંધાયા છે. જ્યારે AIIMS એ આને લગતું સંશોધન કર્યું, ત્યારે આ રોગ સાથે સંબંધિત બેક્ટેરિયા માઇક્રોપ્લાઝમા ન્યુમોનિયા મળી આવ્યો. લેન્સેટ માઈક્રોમાં પ્રકાશિત એક રિપોર્ટ અનુસાર, સંક્રમમ શરૂઆતના તબક્કામાં કરવામાં આવેલા પીસીઆર પરીક્ષણ દ્વારા કેસની શોધ કરવામાં આવી હતી અને છ કેસ IGM ELISA પરીક્ષણ દ્વારા શોધી કાઢવામાં આવ્યા હતા જે પછીના તબક્કામાં પણ કરી શકાય છે.
વોકિંગ ન્યુમોનિયા શું છે?
દિલ્હી AIIMSના માઇક્રોબાયોલોજી વિભાગના પૂર્વ વડા અને કન્સોર્ટિયમના સભ્ય ડૉ. રામ ચૌધરીએ મીડિયા રિપોર્ટમાં જણાવ્યું હતું કે, એમ. ન્યુમોનિયાનાને 15-20% કમ્યૂનિટી ન્યુમોનિયાનું કારણ માનવામાં આવે છે. ડો.ચૌધરીએ જણાવ્યું હતું કે આ વાયરસથી થતો ન્યુમોનિયા સામાન્ય રીતે હળવો હોય છે, તેથી તેને ચોકીંગ ન્યુમોનિયા પણ કહે છે. પરંતુ તેના કેસ ગંભીર પણ હોઈ શકે છે. તેમણે ભારપૂર્વક જણાવ્યું હતું કે ભારતે માયકોપ્લાઝમા ન્યુમોનિયાની તપાસ માટે દેખરેખ વધારવાની જરૂર છે. હાલમાં માત્ર AIIMS અને દિલ્હીના કેટલાક અન્ય કેન્દ્રો પર નજર રાખવામાં આવી રહી છે. લેન્સેટના અહેવાલમાં જણાવવામાં આવ્યું છે કે જે દેશોમાં એમ. ન્યુમોનિયા ફરી ઉભરી આવ્યો છે ત્યાં કેસોની સંખ્યા લગભગ રોગચાળા પહેલાની સંખ્યા જેટલી છે.
