સુરેન્દ્રનગર જિલ્લા પંચાયતના સભ્ય સહિત 20 જુગારીઓ ઝડપાયા

સુરેન્દ્રનગરના વણા ગામે ઝડપાયેલા જુગારધામમાં ભાજપના નેતા સહિત 20 લોકો ઝડપાયા છે. વણા ગામે રહેણાંક મકાનમાં જુગારધામ ચાલતુ હતું. રહેણાંક મકાનમાં જસદણ, પાટણ, રાજકોટ, મોરબી, રાજસ્થાન સહિતના વિસ્તારોમાંથી જુગાર રમવા માટે જુગારીઓ વણા ગામે આવતા હતા.
મળતા અહેવાલ પ્રમાણે પોલીસને બાતમી મળી હતી કે વણાના રહેણાંક મકાનમાં મહિપાલસિંહ ઉર્ફે ભીમભા હિતેન્દ્રસિંહ રાણા બહારથી માણસોને બોલાવી જુગારનો અડ્ડો ચલાવી રહ્યો છે. આ બાતમી મળતા પોલીસે છટકું ગોઠવીને અચાનક દરોડા પાડ્યા હતા.સુરેન્દ્રનગર જિલ્લાનું રાજકીય વાતાવરણ ગરમાયુ છે. તો બીજી તરફ જિલ્લા પંચાયતના સભ્ય અમથુભાઈ પણ ભાજપના એક વગદાર નેતા છે.
જસદણ પોલીસની રેડ દરમિયાન સુરેન્દ્રનગર જિલ્લા પંચાયતના સભ્ય અમથુભાઈ પણ જુગારના દરોડામાં પોલીસે ઝડપી પાડ્યા છે. કુલ ચાર લાખ 22 હજારનો મુદ્દામાલ જપ્ત કરવામાં આવ્યો છે. ભાજપના નેતા જ જુગાર રમતા ઝડપાતા રાજકીય ગરમાવો સર્જાયો છે. ભાજપ સાથે જોડાયેલ લોકો જુગાર રમતા ઝડપાયા બાદ સુરેન્દ્રનગર જિલ્લાનું રાજકીય વાતાવરણ ગરમાયુ છે.