બોલિવૂડ એક્ટર શ્રેયસ તલપડેને હાર્ટ એટેક આવ્યો છે. શ્રેયસ 47 વર્ષનો છે. અભિનેતા અક્ષય કુમાર સાથે ફિલ્મ વેલકમ ટુ ધ જંગલનું શૂટિંગ કરી રહ્યો હતો. શૂટિંગ પૂરું કર્યા પછી તરત જ તે બેભાન થઈ ગયો. શ્રેયસને હોસ્પિટલમાં લઈ જવામાં આવ્યો, જ્યાં તેની એન્જિયોપ્લાસ્ટી કરવામાં આવી. હોસ્પિટલે અપડેટ કર્યું છે કે હાલમાં તેમની તબિયતમાં સુધારો થઈ રહ્યો છે.
અક્ષય કુમારે એક વીડિયો પોસ્ટ કર્યો હતો, જેમાં શ્રેયસ બપોરે તેની સાથે ફિલ્મ વેલકમ ટુ ધ જંગલનું શૂટિંગ કરતો જોવા મળ્યો હતો. સ્ટંટ કરતી વખતે શ્રેયસ અક્ષયની પાછળ સીડી પર ઊભો હતો. વીડિયોમાં કલાકારોની મસ્તી પણ સ્પષ્ટ દેખાઈ રહી હતી. પરંતુ કોઈને અંદાજ ન હતો કે આવું કંઈક થશે. એવું કહેવામાં આવી રહ્યું છે કે શ્રેયસ શૂટિંગ પૂરું કર્યા પછી બેભાન થઈ ગયો હતો. જ્યારે અભિનેતાને અંધેરી પશ્ચિમની બેલેવ્યુ હોસ્પિટલમાં લઈ જવામાં આવ્યો ત્યારે જાણવા મળ્યું કે તેને હાર્ટ એટેક આવ્યો હતો.
