ગઢડા અને વલભીપુર વિધાનસભા બેઠકના ધારાસભ્ય અને સંત સવૈયાનાથ ઝાંઝરકાના મહંત શંભુનાથજી ટુંડીયા ફરી વખત વિરોધીઓના નિશાના પર હોય તેમ આ વખતે તેમનું ફેસબુક એકાઉન્ટ હેક કરી અશ્લીલ પોસ્ટ મૂકાતા ખળભળાટ મચ્યો છે.
આ અંગે પ્રાપ્ત વિગતો મુજબ ભાજપના ધારાસભ્ય અને સંત સવૈયાનાથ ઝાંઝરકાના મહંત શંભુનાથજી ટુંડીયાનું ફેસબુક એકાઉન્ટ હેન્ક થયા બાદ તેમના એકાઉન્ટનો દુરઉપયોગ કરીને હેકર દ્વારા અભદ્ર અને અશ્લીલ પોસ્ટ મુકવામાં આવતા ભા.જ.પ.પક્ષમાં સન્નાટો છવાઇ ગયો હતો અંતે ફેસબુક એકાઉન્ટની તપાસ કરતા તેમનું એકાઉન્ટ કોઇ સાયબર હેકરો દ્વારા હેક કરીને મહંતની છબી ખરડવાનો પ્રયત્ન કરેલ હોવાનું બહાર આવ્યું છે અને તેમનું એકાઉન્ટ હેક થયા અંગેની પૃષ્ઠી ધારાસભ્ય- મહંત શંભુનાથજી ટુંડીયાએ કરી છે. તેમણે જણાવ્યું કે, બે દિવસ પૂર્વે સાંજે આ અંગે જાણ થતાં ઘડીભર શું કરવું તે અંગે મૂંઝવણ થઈ પડી હતી પરંતુ આ દિશામાં તપાસ કરતા જાણવા મળેલ કે હેલ્પલાઇન નંબર ૧૯૩૦ ડાયલ કરવાથી મદદ મળી શકે છે, આથી મે તુરંત મારી ફરિયાદ આપી છે. અને હવે દિલ્હી Âસ્થતિ ફેસબુક ઓફિસના મેનેજર ૪૮ કલાકમાં આ હેક થયેલ એકાઉન્ટ બંધ કરવા કરી કાર્યવાહી કરશે તેમ ઉમેર્યું હતું.
અત્રે ઉલ્લેખનીય છે કે, ધારાસભ્ય – મહંત શંભુનાથ ટુંડીયાને નિશાને લઈ અગાઉ ભાવનગરના એક શખ્સે સોશિયલ મીડિયામાં બેફામ વાણી વિલાસ કરતા પોલીસ ફરિયાદ નોંધાઈ હતી. આ બનાવમાં વાણી વિલાસ કરનાર વ્યÂક્તએ માફી માંગી હતી જયારે પોલીસે કાર્યવાહીના ભાગરૂપે તેની ધરપકડ કરી હતી.
