જાપાનમાં ભૂકંપના જોરદાર આંચકા અનુભવાયા છે. રિક્ટર સ્કેલ પર તેની તીવ્રતા 6.1 નોંધવામાં આવી હતી. આજે ઉત્તરી જાપાનના ઇવાતે અને ઓમોરી પ્રાંતમાં ભૂકંપના આંચકા અનુભવાયા હતા. અગાઉ, નવા વર્ષે પશ્ચિમ જાપાનમાં આવેલા ભૂંકપમાં 50થી વધુ લોકોના મોત થયા હતા.
ભૂકંપના જોખમને ધ્યાનમાં રાખીને અધિકારીઓએ ચેતવણી જાહેર કરીને કેટલાક વિસ્તારોમાં લોકોને તેમના ઘરોથી દૂર રહેવા જણાવ્યું હતું. જાપાની મીડિયાના અહેવાલો અનુસાર, હાલમાં આ ભૂકંપના કારણે કોઈ નુકસાનની કોઈ માહિતી નથી. હવામાન વિભાગે સુનામીને લઈને કોઈ એલર્ટ જાહેર કર્યું નથી, જેથી લોકોએ રાહતનો શ્વાસ લીધો છે. જાપાનની હવામાન એજન્સીના જણાવ્યાનુસાર, ભૂકંપનું કેન્દ્ર ઇવાતે પ્રાંતના ઉત્તરીય તટીયમાં હતું.
