ઈન્ડિયન પ્રીમિયર લીગમાં શુક્રવારની રાત રેકોર્ડબ્રેક રહી હતી. હોમ ગ્રાઉન્ડ પર પ્રથમ બેટિંગ કરતા કોલકાતાએ 20 ઓવરમાં 261 રન બનાવ્યા હતા. ટૂર્નામેન્ટની 17મી સિઝનમાં 7મી વખત 250થી વધુ રનનો સ્કોર પાર કર્યો હતો. એટલું જ ઓછું નહોતું કે પંજાબે માત્ર 18.4 ઓવરમાં આ રેકોર્ડ સ્કોરને ચેઝ કર્યો હતો. જે T-20 ઇતિહાસમાં સૌથી સફળ ચેઝ છે. આ મેચમાં કુલ 42 સિક્સર ફટકારવામાં આવી હતી, જે T20 મેચમાં પ્રથમ વખત બની હતી.
PBKS vs KKR મેચના ટોચના રેકોર્ડ્સ : પંજાબ કિંગ્સે જોની બેયરસ્ટોની સદી અને શશાંક સિંહની ફિફ્ટીની મદદથી 18.4 ઓવરમાં 262 રનના સ્કોરને ચેઝ કર્યો હતો. કોઈપણ T20 મેચમાં આ સૌથી મોટો રન ચેઝ છે. અગાઉ ગયા વર્ષે દક્ષિણ આફ્રિકાએ વેસ્ટ ઈન્ડિઝ સામે 259 રનના લક્ષ્યાંકને ચેઝ કર્યો હતો. ત્યારે દક્ષિણ આફ્રિકાએ પણ 19મી ઓવરમાં જ ટાર્ગેટ પુરો કરી લીધો હતો.