દિલ્હી-એનસીઆરની લગભગ 100 શાળાઓને મોકલવામાં આવેલા ધમકી ભર્યા મેઈલમાં ગુનેગારોએ રશિયન ઈમેલ સેવાનો ઉપયોગ કર્યો હતો. આ સેવા વપરાશકર્તાઓને પોતાની ઓળખ અને ગેરકાયદેસર પ્રવૃત્તિઓ છુપાવવામાં મદદ કરે છે.
શાળાને મોકલવામાં આવેલા ઇમેઇલના પ્રાથમિક ફોરેન્સિક વિશ્લેષણમાં ખુલાસો થયો કે ઈમેલ મોકલનારે કદાચ રશિયન ઈમેલ સેવા mail.ruને કોઈ અંગત માહિતી આપી ન હતી. આ સેવા સોશિયલ મીડિયા અને નેટવર્કિંગ સાઇટ VK અથવા VKontakteની માલિકીની છે.
સેન્ડર savariim@mail.ru ટેમ્પેલનો ઉપયોગ કરે છે, જે એક મફત ઈમેઈલ સેવા છે જે અસ્થાયી ઈમેલ એડ્રેસ આપે છે જે ‘1 કલાક પછી સમાપ્ત થાય છે’. તેની વેબસાઇટ પર, ટેમ્પેલ દાવો કરે છે કે તેની અસ્થાયી IDનો ઉપયોગ ફેસબુક અને ટ્વિટર જેવી વેબસાઇટ્સ અને સોશિયલ મીડિયા પ્લેટફોર્મ પર સાઇન અપ કરવા માટે થઈ શકે છે. તેઓનો ઉપયોગ ઈમેલ મોકલવા અને પ્રાપ્ત કરવા માટે પણ થઈ શકે છે.
વિશ્લેષણ દર્શાવે છે કે જ્યારે saveariim@mail.ru બનાવવામાં આવ્યું હતું ત્યારે બેકઅપ ઈમેલ એકાઉન્ટ તરીકે ઈમેલ એડ્રેસ ‘yus********@gufum.com આપવામાં આવ્યું હતું. ઘણા ઇમેઇલ વેલીડેટર્સએ gufum.com ને કામચલાઉ ઇમેઇલ ડોમેન તરીકે ઓળખી કાઢ્યું છે.
