નકલી દસ્તાવેજથી ડોકટર બનેલી છાત્રાનું એડમિશન માન્ય રાખતી હાઈકોર્ટ

એક છોકરી એમબીબીએસનો અભ્યાસ કરીને ડોકટર બની ગઈ હતી. પરંતુ થયું એવું કે તેણીએ એડમિશન સમયે ખોટા દસ્તાવેજો આપીને પ્રવેશ મેળવ્યો હતો. જયારે આ મામલો બોમ્બે હાઈકોર્ટમાં પહોંચ્યો ત્યારે બેંચે પણ સ્વીકાયું કે, છોકરીએ ભૂલ કરી છે, પરંતુ તેનું એમબીબીએસનું એડમિશન રદ કરવાનો ઈન્કાર કર્યો હતો.
હાઈકોર્ટે કહ્યું કે, દેશમાં દર્દીઓના પ્રમાણમાં ડોકટરોની અછત છે. જેથી હવે આ છોકરી ડોકટર બની ગઈ છે તો તેનું એડમિશન રદ કરવાથી રાષ્ટ્રને નુકશાન થશે, જે રાષ્ટ્રના હિતમાં નથી. હકીકતમાં આરોપ એવો હતો કે, એમબીબીએસ પાસ કરીને ડોકટર બનેલી છોકરીએ એડમિશન દરમિયાન ઓબીસી નોન ક્રિમી લેયરના નકલી દસ્તાવેજો રજૂ કર્યા હતા. મામલો હાઈકોર્ટમાં પહોંચ્યો તો બેંચે કહ્યુંં કે, છોકરીએ ભૂલ કરી છે. છતાં તેણીની ડિગ્રીને નામંજૂર કરી શકાય નહીં. આ છોકરીએ એમબીબીએસનો અભ્યાસ પૂર્ણ કરી લીધો છે. આવે સ્થિતિમાં તેની ડિગ્રી પાછી લેવી યોગ્ય નથી. હવે તે એક લાયક ડોકટર છે. આપણા દેશમાં ડોકટરોનું પ્રમાણ ઘણું ઓછું છે. હવે સંબંધિત છોકરીની ડિગ્રી પાછી લેવાથી દેશને નુકશાન થશે. એવી સ્થિતિમાં જયારે દેશના નાગરિકોને વધુ ડોકટરોની જરૂર છે.
જસ્ટિસ એ.એસ. ચંદુરકર અને જસ્ટિસ જિતેન્દ્ર જૈનની ખંડપીઠે સંબંધિત છોકરીનું નોન ક્રિમીલેયર ઓબીસીનું પ્રમાણપત્ર રદ કયુર્ં હતું. આ સાથે એમબીબીએસમાં તેણીના પ્રવેશને ઓપન કેટેગરીમાં જાહેર કરવામાં આવ્યો હતો. કોર્ટે ડોકટર બનેલી છોકરીને આદેશ આપ્યો કે, તે હવે ઓપન કેટેગરીની ઉમેદવાર રહેશે. આ સાતે ઓપન કેટેગરી હેઠળ જમા કરાયેલી ફી તેણીએ ચૂકવવાનો કોર્ટે આદેશ આપ્યો હતો તેમજ કોર્ટે 50 હજારનો દંડ પણ પટકાર્યો હતો. છોકરીને મોટી રાહત આપતા બેંચે કહ્યું કે, અમે જાણીએ છીએ કે મેડિકલ કોર્સમાં એડમિશન મેળવવું કેટલું મુશ્કેલ છે અને તેની કિંમત કેટલી છે.