વડાપ્રધાન નરેન્દ્ર મોદીએ ઓડિશામાં ચાલી રહેલી લોકસભા અને વિધાનસભા ચૂંટણી માટે સોમવારે પુરીમાં રોડ શો કર્યો હતો. રોડ શો દરમિયાન પીએમ મોદી સાથે પુરીથી ભાજપના ઉમેદવાર સંબિત પાત્રા પણ હાજર હતા. પીએમ મોદી આજે રાજ્યમાં બે રેલીઓને સંબોધશે. આ પછી તેઓ પશ્ચિમ બંગાળ જશે જ્યાં તેઓ ઝારગ્રામમાં ચૂંટણી રેલીને સંબોધિત કરશે. વડાપ્રધાનની મુલાકાતને લઈને કમિશનરેટ પોલીસ દ્વારા ચુસ્ત બંદોબસ્ત ગોઠવવામાં આવ્યો છે.
વડાપ્રધાનની મુલાકાત પહેલા ભારતીય વાયુસેના દ્વારા કટકમાં મોકડ્રીલ કરવામાં આવી હતી. વડાપ્રધાનનું વિશેષ હેલિકોપ્ટર કટક બાલી યાત્રાના નીચેના મેદાનમાં ઉતરશે. જ્યારે સોમવારે સવારે 8 વાગ્યાથી વડાપ્રધાનનો રોડ શરૂ થયો હતો. લોકસભા ચૂંટણીમાં પણ ઓડિશાની પુરી સીટ ચર્ચામાં રહે છે. પુરી સીટ બે દાયકાથી વધુ સમયથી નવીન પટનાયકના બીજુ જનતા દળનો ગઢ રહી છે. જો કે, 2019માં યોજાયેલી લોકસભા ચૂંટણીમાં બીજેપીના સંબિત પાત્રાએ BJD ઉમેદવારને ટક્કર આપી હતી. આથી ભાજપ ફરી એકવાર આ બેઠક જીતવા માટે પૂરા પ્રયાસ કરી રહ્યું છે. ગત ચૂંટણીમાં પિનાકી મિશ્રાને 5,38,321 વોટ મળ્યા હતા જ્યારે સંબિત પાત્રાને 5,26,607 વોટ મળ્યા હતા. હારનું માર્જીન માત્ર 11,714 વોટ હતું.
