નવી સંસદ ભવનની સુરક્ષામાં ચૂક થયા બાદ નવી અને જૂની સંસદની ઇમારતોની સુરક્ષાની જવાબદારી સેન્ટ્રલ રિઝર્વ પોલીસ ફોર્સ પાસેથી હટાવીને સેન્ટ્રલ ઈન્ડસ્ટ્રીયલ સિક્યુરિટી ફોર્સને સોંપવામાં આવી છે. 20 મેથી સંસદની સુરક્ષા માટે CISFના 3300 જવાનો તહેનાત કરવામાં આવશે.
CRPFના પાર્લામેન્ટ ડ્યુટી ગ્રુપએ 17 મેના રોજ પોતાના 1400 સૈનિકોને પાછા બોલાવ્યા છે. તેણે તેના તમામ વહીવટી અને ઓપરેશનલ સાધનોને પણ હટાવ્યા છે, જેમાં વાહનો, હથિયારો અને કમાન્ડો સામેલ છે. CRPF કમાન્ડર DIG રેન્કના અધિકારીએ સંસદની સુરક્ષા સાથે જોડાયેલી તમામ માહિતી CISFને સોંપી દીધી છે.
એજન્સીના જણાવ્યા અનુસાર CISFના 3317 જવાન આતંકવાદીઓ અને હુમલાખોરોથી સંસદની સુરક્ષા કરશે. CISFના જવાનો છેલ્લા 10 દિવસથી સંસદની સુરક્ષા માટે તાલીમ લઈ રહ્યા હતા. તેમને NSGના બ્લેક કમાન્ડો સાથે પણ તાલીમ આપવામાં આવી છે. CISF જવાનોને એન્ટ્રી ગેટ ચેકિંગ, લગેજ ચેકિંગ, બોમ્બ ડિટેક્શન અને ડિફ્યુઝિંગ, આતંકવાદી હુમલા પર ઝડપી કાર્યવાહી, સ્નાઈપર ટાસ્કની તાલીમ આપવામાં આવી છે.
13 ડિસેમ્બર 2023ના રોજ નવા સંસદ ભવનની સુરક્ષામાં ચૂકને પગલે, સંસદ કેમ્પસની સુરક્ષા માટે CRPFના ડીજીની અધ્યક્ષતામાં એક સમિતિની રચના કરવામાં આવી હતી. જે બાદ CISF તહેનાત કરવાનો નિર્ણય લેવામાં આવ્યો હતો. CISFના સીનિયર અધિકારીએ કહ્યું કે CRPF પીડીજી, લગભગ 150 દિલ્હી પોલીસ કર્મચારીઓ અને સંસદ સુરક્ષા કર્મચારી જેઓ અત્યાર સુધી સંયુક્ત રીતે સંસદની રક્ષા કરે છે. તેમને પણ પાછા બોલાવી લેવામાં આવ્યા છે.
