કલકત્તા હાઈકોર્ટે બુધવારે પશ્ચિમ બંગાળમાં 2010 પછી જારી કરાયેલા તમામ અન્ય પછાત વર્ગ (OBC) પ્રમાણપત્રોને રદ કરવાનો આદેશ આપ્યો હતો. જસ્ટિસ તપોબ્રત ચક્રવર્તી અને રાજશેખર મંથરની ખંડપીઠે કહ્યું કે 2011થી વહીવટીતંત્ર કોઈપણ નિયમોનું પાલન કર્યા વિના OBC પ્રમાણપત્રો જારી કરે છે.
બેંચે કહ્યું- આ રીતે OBC પ્રમાણપત્ર આપવું ગેરબંધારણીય છે. આ પ્રમાણપત્રો પછાત વર્ગ આયોગની કોઈપણ સલાહને અનુસર્યા વિના જારી કરવામાં આવ્યા હતા. તેથી આ તમામ પ્રમાણપત્રો રદ કરવામાં આવ્યા છે. જો કે, આ આદેશ એવા લોકોને લાગુ પડશે નહીં જેમને નોકરી મળી ગઈ છે અથવા મળવા જઈ રહી છે. ઓબીસી યાદી રદ થવાને કારણે લગભગ 5 લાખ પ્રમાણપત્રો રદ થવા જઈ રહ્યા છે. કોર્ટે નિર્દેશ આપ્યો કે પશ્ચિમ બંગાળ પછાત વર્ગ આયોગ અધિનિયમ 1993ના આધારે પશ્ચિમ બંગાળ પછાત વર્ગ આયોગ ઓબીસીની નવી યાદી તૈયાર કરશે.
હાઈકોર્ટના નિર્ણય અંગે બંગાળના સીએમ મમતા બેનર્જીએ કહ્યું કે તેઓ હાઈકોર્ટ અને બીજેપીના આદેશને સ્વીકારશે નહીં. રાજ્યમાં ઓબીસી અનામત ચાલુ રહેશે. મમતાએ કહ્યું કે ઓબીસી આરક્ષણ લાગુ કરતા પહેલા ઘણા સર્વે કરવામાં આવ્યા હતા. આ મામલે પહેલા પણ ઘણા કેસ નોંધાયા છે, પરંતુ તેનું કોઈ પરિણામ આવ્યું નથી. આ લોકો ભાજપ શાસિત રાજ્યોમાં નીતિઓની વાત કેમ નથી કરતા?
