NIAએ કેટલાક રાજ્યમાં રાજ્ય પોલીસ દળ અને કેન્દ્રીય જાસુસી એજન્સીઓ સાથે દરોડા પાડ્યા હતા. આ દરમિયાન ટીમે આંતરરાષ્ટ્રીય માનવ તસ્કરી અને સાયબર ક્રાઇમ સિન્ડિકેટ સાથે જોડાયેલા પાંચ લોકોની ધરપકડ કરવામાં આવી છે. આરોપી ભારતીય યુવાઓને રોજગારના ખોટા વાયદા પર વિદેશ લઇ જતા હતા.
એક અધિકારીએ જણાવ્યું કે NIAએ ગુજરાત, મહારાષ્ટ્ર, ઉત્તર પ્રદેશ, પંજાબ, બિહાર,દિલ્હી, હરિયાણા અને ચંદીગઢમાં 15 સ્થળોએ દરોડા પાડ્યા હતા. આ દરમિયાન ટીમે વડોદરાના મનીષ હિન્ગૂ, ગોપાલગંજના પહલાદ સિંહ, દક્ષિણ પશ્ચિમ દિલ્હીના નબિયાલમ રે, ગુરૂગ્રામના બલવંત કટારિયા અને ચંદીગઢના સરતાજ સિંહની ધરપકડ કરી હતી. એક અધિકારીએ જણાવ્યું કે, આરોપીઓ દ્વારા ભારતીય યુવાઓને લાઓસ અને કંબોડિયા સહિત અન્ય સ્થળો પર મોકલવામાં આવતા હતા. જ્યા યુવાઓને વિદેશી નાગરિકો દ્વારા નિયંત્રિત કરવાની સાથે જ તેમને ફેક કોલ સેન્ટરોમાં કામ કરવા માટે મજબૂર કરવામાં આવતા હતા. યુવાઓને ઓનલાઇન ગેરકાયદેસર ગતિવિધિ કરવા માટે મજબૂર કરવામાં આવ્યા હતા જેમ કે ક્રેડિટ કાર્ડ છેતરપિંડી, ખોટી એપ્લિકેશનનો ઉપયોગ કરીને ક્રિપ્ટો કરન્સીમાં રોકાણ અને હની ટ્રેપિંગમાં ફસાવવામાં આવતા હતા.
