રાહુલ ગાંધીને માનહાનિ કેસમાં સ્પેશિયલ કોર્ટે જામીન આપ્યા

અહીં કોંગ્રેસ નેતા રાહુલ ગાંધી આજે બેંગલુરુ કોર્ટમાં હાજર થયા છે. કર્ણાટક ભારતીય જનતા પાર્ટીએ તેમની સામે માનહાનિનો કેસ દાખલ કર્યો છે. સ્પેશિયલ કોર્ટે રાહુલ ગાંધીને જામીન આપ્યા છે.
ભાજપના નેતા એસ કેશવ પ્રસાદે 8 મે, 2023 ના રોજ માનહાનિનો કેસ દાખલ કર્યો હતો, જેમાં આક્ષેપ કરવામાં આવ્યો હતો કે ડીકે શિવકુમાર, સિદ્ધારમૈયા અને રાહુલ ગાંધી જેવા કોંગ્રેસના નેતાઓ ભાજપ સરકારને ભ્રષ્ટ ગણાવી રહ્યા છે. કોંગ્રેસે 5 મે, 2023ના રોજ અખબારોમાં જાહેરાતો પ્રકાશિત કરી હતી, જેમાં ભાજપ પર કોવિડ કીટ ટેન્ડર ડીલમાં 75 ટકા, પીડબલ્યુડી ટેન્ડર માટે 40 ટકા, ધાર્મિક સંસ્થાઓને અનુદાન માટે 30 ટકા અને આવા અન્ય સોદામાં કમિશન લેવાનો આરોપ લગાવ્યો હતો.