AAP ના ધારાસભ્ય અમાનતુલ્લા ખાનના બાટલા હાઉસ સ્થિત ઘરમાં દરોડા પાડ્યા છે. સોમવારે વહેલી સવારે ED દ્વારા અમાનતુલ્લા ખાનના ઘર પર દરોડા પાડવામાં આવી રહ્યા છે. અમાનતુલ્લાએ આ અંગે એક વીડિયો પણ શેર કર્યો છે. આ વીડિયોમાં તેમણે કહ્યું કે આજે સવારે 7 વાગ્યે EDના લોકો મારા ઘરે છે.
તેમણે કહ્યું, “ઇડીના લોકો સર્ચ વોરંટના નામે મારી ધરપકડ કરવા આવ્યા છે. મારી સાસુને કેન્સર છે અને 4 દિવસ પહેલા તેમનું ઓપરેશન થયું હતું. તેમણે એ પણ કહ્યું કે તેમણે EDની તમામ નોટિસનો જવાબ આપી દીધો છે અને તે આરોપ છે કે તેમની સામે ખોટા આરોપો લગાવવામાં આવી રહ્યા છે.
અમાનતુલ્લા ખાને કહ્યું કે, તેઓ માત્ર મને જ નહીં પરંતુ મારી પાર્ટીને પણ પરેશાન કરી રહ્યા છે. તેમનો ઉદ્દેશ્ય અમને તોડવાનો અને અમને અલગ કરવાનો છે, તેમણે કહ્યું કે, લોકોએ ચિંતા કરવાની જરૂર નથી અમે તૂટવાના નથી. પરંતુ મને કોર્ટમાં વિશ્વાસ છે કે ભવિષ્યમાં પણ અમને આ જ રીતે ન્યાય મળશે. તેણે કહ્યું, મારી વિરુદ્ધ એક ફેક કેસ દાખલ કરવામાં આવી રહ્યો છે અને આ સિવાય મારી વિરુદ્ધ ઘણા ખોટા કેસ પણ દાખલ કરવામાં આવ્યા છે. હું તમને એટલું જ કહીશ કે તમે લોકો પણ મારા પરિવારનું ધ્યાન રાખશો અને મારી સરકાર તમારા લોકો માટે કામ કરશે.
