લોસ એન્જલસમાં યોજાયેલી ટેસ્લાની રોબો ઈવેન્ટમાં ઇલોન મસ્કે રોબો ટેક્સી અને સાયબરકેબને દુનિયા સમક્ષ લોન્ચ કરી હતી. ઇલોન મસ્કની આ રોબોટેક્સીની લાંબા સમયથી રાહ જોવાઈ રહી હતી. ઇલોન મસ્કે કહ્યું કે, આ રોબોટેક્સીનું ઉત્પાદન વર્ષ 2026થી શરૂ થઈ શકે છે. આ ટેસ્લા વાહનમાં ન તો સ્ટીયરિંગ વ્હીલ છે અને ન તો કાર ચલાવવા માટે પેડલ આપવામાં આવ્યા છે, જે કોઈપણ ડ્રાઈવ વિના ચાલે છે.
ઇલોન મસ્ક પણ આ રોબોટેક્સીની પોતે ટેસ્ટ ડ્રાઈવ લેતા જોવા મળ્યા હતા. મસ્કે આ વાહનમાં મુસાફરી કરવાનો એક વીડિયો પણ શેર કર્યો છે. આ રોબોટેક્સીના દરવાજા આપોઆપ ખુલે છે. ઇલોન મસ્કે પણ દુનિયાનેની ઝલક બતાવી હતી. રોબોટથી ચાલતી આ બસમાં એક સાથે 20 લોકો મુસાફરી કરી શકશે. આ બસનો ઉપયોગ કોમર્શિયલ અને પ્રાઈવેટ બંને વાહન તરીકે થઈ શકશે. તેનો ઉપયોગ સ્કૂલ બસ તરીકે પણ થઈ શકે છે.
રોબોટેક્સી એક ઓટોમેટિક વાહન છે, જેને ચલાવવા માટે કોઈ ડ્રાઈવરની જરૂર નથી. આ વાહનમાં નાની કેબિન આપવામાં આવી છે. ટેસ્લાની આ કારમાં બે લોકો બેસવાની ક્ષમતા છે. આ વાહનની ડિઝાઈન આવનારા વાહનોને ધ્યાનમાં રાખીને તૈયાર કરવામાં આવી છે. અત્યારે માત્ર તેનો પ્રોટોટાઈપ જ માર્કેટમાં રજૂ કરવામાં આવ્યો છે. આ રોબોટેક્સીને મોબાઈલ ફોનની જેમ વાયરલેસ ચાર્જરથી ચાર્જ કરી શકાય છે.
