દિલ્હી, શ્રીનગર સહિત દેશભરમાં જોવા મળ્યો સુપરમૂન

ગુરુવારે સમગ્ર વિશ્વમાં સુપરમૂન જોવા મળ્યો હતો. આ સમયગાળા દરમિયાન ચંદ્રનું કદ સામાન્ય કરતાં 14% મોટું દેખાયું. ચંદ્ર પણ 30% વધુ તેજસ્વી દેખાયો. જ્યારે પૃથ્વી અને ચંદ્ર વચ્ચેનું અંતર સૌથી ઓછું થઈ જાય ત્યારે સુપરમૂન થાય છે.
આ કારણે ચંદ્ર મોટો અને તેજસ્વી દેખાય છે. આ સુપરમૂનને જોઈને એવું લાગી રહ્યું હતું કે જાણે તે પૃથ્વીની નજીક આવી રહ્યો છે. દિલ્હી, ગુવાહાટી, કાશ્મીર સહિત દેશના ઘણા ભાગોમાં સુપરમૂન જોવા મળ્યો હતો. ગુરુવારે ચંદ્ર પૃથ્વીથી અંદાજે 351,519 કિમી દૂર રહ્યો હતો. જ્યારે સામાન્ય રીતે તે સૌથી દૂર 4,05,000 કિમી અને સૌથી નજીક 3,63,104 કિમી છે. ગયા મહિને 18 સપ્ટેમ્બરે એક સુપરમૂન પણ જોવા મળ્યો હતો, જ્યારે ચંદ્ર પૃથ્વીથી 357,485 કિમી દૂર હતો. તે જ સમયે વર્ષનો પહેલો સુપરમૂન 19 ઓગસ્ટે દેખાયો. તે સમયે ચંદ્ર પૃથ્વીથી 361,969 કિમી દૂર હતો. વર્ષનો ચોથો સુપરમૂન 15 નવેમ્બરે જોવા મળશે, જ્યારે ચંદ્ર પૃથ્વીથી 361,866 કિમી દૂર હશે.