અમેરિકાની ચૂંટણી પહેલા ડોનાલ્ડ ટ્રમ્પની હત્યાનું ઘડાયું હતું કાવતરું

અમેરિકામાં ટ્રમ્પને લઈને ચોંકાવનારા સમાચાર સામે આવ્યા છે. રાષ્ટ્રપતિની ચૂંટણી પહેલા જ ડોનાલ્ડ ટ્રમ્પની હત્યાનું ષડયંત્ર ચાલી રહ્યું હતું. આ કિસ્સામાં, યુએસ ન્યાય વિભાગે શુક્રવારે એક ઈરાની નાગરિક પર આરોપ લગાવ્યો છે કે ઈરાન દ્વારા રાષ્ટ્રપતિની ચૂંટણી પહેલા ડોનાલ્ડ ટ્રમ્પની હત્યા માટે કથિત રીતે ઉપયોગ કરવામાં આવી રહ્યો છે.
મેનહટન ફેડરલ કોર્ટમાં દાખલ કરવામાં આવેલી ફોજદારી ફરિયાદમાં કહેવામાં આવ્યું છે કે ઈરાનના અર્ધલશ્કરી રિવોલ્યુશનરી ગાર્ડના એક અધિકારીએ સપ્ટેમ્બરમાં ભાડે રાખેલા કિલર ફરઝાદ શાકેરીને ટ્રમ્પ પર નજર રાખવા અને તક મળતાની સાથે જ તેને મારી નાખવાની સૂચના આપી હતી. યુએસ જસ્ટિસ ડિપાર્ટમેન્ટે ખુલાસો કર્યો છે કે એફબીઆઈએ ડોનાલ્ડ ટ્રમ્પની હત્યાના ઈરાની કાવતરાને નિષ્ફળ બનાવ્યો છે
આ માટે તેને 5 લાખ ડોલરની ઓફર કરવામાં આવી હતી. ફરિયાદમાં જણાવાયું છે કે અધિકારીએ શાકેરીને એમ પણ કહ્યું હતું કે જો તે આમ ન કરી શકે તો તેણે રાષ્ટ્રપતિની ચૂંટણી સુધી રાહ જોવી જોઈએ, કારણ કે અધિકારીનું માનવું હતું કે ટ્રમ્પ ચૂંટણી હારી જશે અને પછી તેની હત્યા કરવી સરળ થઈ જશે. શાકેરીએ પૂછપરછ દરમિયાન એફબીઆઈને જણાવ્યું હતું કે રિવોલ્યુશનરી ગાર્ડના અધિકારીએ તેને સાત દિવસમાં હત્યાના કાવતરાને અંજામ આપવા માટે કહ્યું હતું, પરંતુ તે કાવતરું પાર પાડવામાં અસમર્થ હતો. યુએસ જસ્ટિસ ડિપાર્ટમેન્ટે જણાવ્યું હતું કે તેમાં એક ઈરાની અને બે અમેરિકન નાગરિકો સામેલ હતા. બંને અમેરિકન નાગરિકોની ગુરુવારે ન્યૂયોર્કના બ્રુકલિન અને સ્ટેટન આઇલેન્ડમાંથી ધરપકડ કરવામાં આવી હતી.