મહારાષ્ટ્ર વિધાનસભાની 288 બેઠકો માટે આજે મતદાન થઈ રહ્યું છે. સવારે 7 વાગ્યાથી શરૂ થઈને સાંજે 6 વાગ્યા સુધી મતદાન થશે. સવારે 8 વાગ્યા સુધીમાં ફિલ્મ ઈન્ડસ્ટ્રીના સેલેબ્સ અક્ષય કુમાર, રાજકુમાર રાવ, ફરહાન અખ્તર મતદાન કરવા પહોંચ્યા હતા.
સચિન તેંડુલકરે પણ પોતાના પરિવાર સાથે મુંબઈના મતદાન મથક પર પોતાનો મત આપ્યો હતો અને લોકોને ઘરની બહાર આવીને મતદાનની જવાબદારી નિભાવવાની અપીલ કરી હતી.શિવસેના અને રાષ્ટ્રવાદી કોંગ્રેસ પાર્ટી (NCP) વચ્ચેના ભાગલા પછી કુલ 158 પાર્ટીઓ ચૂંટણી મેદાનમાં છે. જેમાંથી 6 મોટી પાર્ટીઓ બે ગઠબંધનના ભાગરૂપે ચૂંટણી લડી રહી છે. શિંદે જૂથની શિવસેના અને અજિત પવારની NCP ભારતીય જનતા પાર્ટી (BJP)ની આગેવાની હેઠળના મહાગઠબંધનનો ભાગ છે. જ્યારે કોંગ્રેસ, ઉદ્ધવ ઠાકરેની શિવસેના (UBT) અને શરદ પવારની રાષ્ટ્રવાદી કોંગ્રેસ પાર્ટી (શરદચંદ્ર પવાર) એટલે કે NCP (SP) મહાવિકાસ અઘાડીનો ભાગ છે.
મોહન ભાગવતે વહેલી સવારે મતદાન કર્યું
નાગપુરમાં સંઘના વડા મોહન ભાગવતે વહેલી સવારે મતદાન કર્યું હતું. મોહન ભાગવતે નાગપુરમાં સંઘના મુખ્યાલયની પાછળ આવેલી ભાઈસાહેબ દફતરી સ્કૂલમાં પોતાનો મત આપ્યો. મોહન ભાગવતે કહ્યું હતું કે લોકશાહીમાં મતદાન કરવું એ નાગરિકોની ફરજ છે. દરેક નાગરિકે આ કરવું જોઈએ. તેથી હું બીજું બધું પછી કરું છું. હું ઉત્તરાંચલમાં હતો, મેં મારો કાર્યક્રમ એક દિવસ ઓછો કર્યો અને અહીં મારો મત આપવા આવ્યો. મતદારોએ મતદાન કરવું જોઈએ
