સોમવારે સંસદના શિયાળુ સત્રનો પ્રથમ દિવસ છે. લોકસભાની કાર્યવાહી સવારે 11 વાગ્યે શરૂ થઈ. પાંચ મિનિટ બાદ ગૃહની કાર્યવાહી બપોરે 12 વાગ્યા સુધી સ્થગિત કરી દેવામાં આવી હતી. સંસદમાં હાલમાં મૃત્યુ પામેલા સાંસદોને શ્રદ્ધાંજલિ આપવામાં આવી . લોકસભા સ્પીકર ઓમ બિરલા દિવંગત સાંસદોની ઉપલબ્ધિઓનો ઉલ્લેખ કરી પછી લોકસભાની કાર્યવાહી 12 વાગ્યા સુધી સ્થગિત કરવામાં આવી છે.
સત્રની શરૂઆત પહેલા પીએમ મોદીએ કહ્યું- શિયાળુ સત્રમાં વાતાવરણ પણ ઠંડુ રહેશે. મને એવી આશા છે. કમનસીબે, મુઠ્ઠીભર લોકો રાજકીય લાભ માટે ગુંડાગીરી દ્વારા સંસદને કન્ટ્રોલ કરવાનો પ્રયાસ કરે છે. જનતા તેમને જુએ છે અને પછી સજા કરે છે.
કોંગ્રેસ નેતા પ્રમોદ તિવારીએ બેઠકમાં કહ્યું- તેમની પાર્ટીએ સંસદમાં મણિપુર હિંસા, પ્રદૂષણ અને રેલ દુર્ઘટનાઓ પર ચર્ચા કરવાનો પણ પ્રસ્તાવ મૂક્યો છે. જો કે, સંસદીય બાબતોના મંત્રી કિરણ રિજિજુએ કહ્યું- ચર્ચા હેઠળના મુદ્દાઓ પર બિઝનેસ એડવાઇઝરી કમિટી નિર્ણય લેશે. વિપક્ષે ગૃહની કાર્યવાહી સારી રીતે ચાલવા દેવી જોઈએ.
