ગુજરાતમાં રોકાણ સામે ઊંચું રિટર્ન આપવાની લાલચ આપી 6000 કરોડનું સ્કેમ કરનારા BZ Group પર CID ક્રાઈમે ગુજરાતમાં 7 જગ્યાએ દરોડા પાડ્યા છે. મળતી માહિતી મુજબ 7 જગ્યાએ BZ Groupના એજન્ટો પર આ દરોડા પાડવામાં આવ્યા છે.
BZ Financial Services તથા BZ Groupની અલગ અલગ કંપનીઓ CEO ભુપેન્દ્રસિંહ પરબતસિંહ ઝાલા, રહેવાસી- ઝાલાનગર વાગડી, સાબરકાંઠાએ તેના મળતીયાઓ સાથે ભેગા મળીને રાજયના રોકાણકારો સાથે છેતરપીંડી અને ઠગાઇ કરવાના ઇરાદે એક સુવ્યવસ્થિત કાવતરુ રચી ગુજરાત તથા રાજસ્થાનમાં અલગ અલગ શહેરોમાં બ્રાન્ચો ખોલી તે ઓફિસ/બ્રાન્ચો મારફતે રાષ્ટ્રિયકૃત બેન્કો તેમજ અન્ય નાણાકિય સંસ્થા કરતા વધુ ઉંચા વળતરની જાહેરાતો આપી રોકાણકારોને પ્રલોભન આપી BZ Group ની અલગ અલગ શાખાઓ મારફતે આશરે રૂપિયા 6000 કરોડ રોકાણકારો પાસે ગેરકાયદેસર રીતે નાણા ઉધરાવી લીધા હતા.
BZ Group સાથે સંકળાયેલ તમામની સામે કાયદેસરની કાર્યવાહી કરવા CID ક્રાઈમને એક નનામી અરજી મળી હતી, જેના આધારે BZ Groupની રણાસણ, તા.તલોદ, હિંમતનગર, વિજાપુર, મોડાસા, ગાંધીનગર, વડોદરા, માલપુર, અરવલ્લી ઓફીસ પર દરોડા પાડવામાં આવ્યા છે ઓફીસોમાંથી કોમ્પ્યુટર, લેપટોપ, પ્રિન્ટર, કેશ વાઉચર, રોકાણકારો સાથે કરેલ એગ્રેમેન્ટની નકલો, એપ્લીકેશન ફોમ, એફ.ડી ફોમ, રીન્યુઅલ ફોમ, એએડવાન્સ એમાઉન્ટ ફોમ, વિડ્રોઅલ ફોમ, રોકાણકારોના રોકાણ બાબતેના સાહિત્ય કબજે કરી CID ક્રાઈમે તપાસ હાથ ધરેલ છે.
