મધ્ય કાશ્મીરના શ્રીનગરમાં 22 દિવસ પછી સોમવારે રાત્રે ફરી અથડામણ શરૂ થઈ, જે મોડી રાત સુધી ચાલુ છે.આતંકવાદીઓએ પહેલા શ્રીનગરના હરવન જંગલમાં સુરક્ષાદળોની સર્ચ પાર્ટી પર ગોળીબાર કર્યો હતો. સૈનિકો શંકાસ્પદ સ્થળની નજીક પહોંચતા જ આતંકીઓએ તેમના પર ભારે ગોળીબાર શરૂ કરી દીધો હતો. જવાનોએ પણ જવાબી કાર્યવાહી કરી હતી. સેનાએ કહ્યું કે 2 થી 3 આતંકીઓ છુપાયા હોવાની આશંકા છે. સુરક્ષા દળોએ વિસ્તારને ઘેરી લીધો છે.
એન્કાઉન્ટર શરૂ થયા બાદ હરવન જંગલમાં ચાલી રહેલા એન્કાઉન્ટર માટે હેડક્વાર્ટરથી વધુ સૈનિકોને બોલાવવામાં આવ્યા હતા. 22 દિવસ પહેલા આ જ જંગલમાં એન્કાઉન્ટર થયું હતું, જ્યારે આતંકીઓ ભાગવામાં સફળ થયા હતા. કેટલાક કલાકોના ગોળીબાર બાદ અથડામણ બંધ કરવામાં આવી હતી. 10મી નવેમ્બરના એન્કાઉન્ટરમાં 2-3 આતંકીઓ છુપાયા હોવાની આશંકા હતી.
હરવનનું જંગલ દક્ષિણ કાશ્મીરના પુલવામાના ત્રાલ જંગલ સાથે પણ જોડાયેલું છે. એવી આશંકા છે કે આતંકવાદીઓ આ વિસ્તારમાંથી હરવન જંગલમાં પહોંચ્યા હતા. 10 નવેમ્બરે આતંકવાદી એન્કાઉન્ટરમાંથી ભાગવામાં સફળ રહ્યા હતા. ઘણા કલાકો સુધી ચાલેલા ઓપરેશન બાદ પણ સુરક્ષા દળો આતંકીઓનું લોકેશન શોધી શક્યા નથી.
