રાજ્યના 5 શહેરોમાં તાપમાન 11 ડિગ્રીથી નીચે

કાશ્મીરમાં ભારે હિમવર્ષાને પગલે રાજ્યમાં અને પર્યટનન સ્થળ માઉન્ટ આબુમાં તાપમાનનો પારો એકદમ ગગડી રહ્યો છે. માઉન્ટ આબુમાં પારો 1.4 ડિગ્રી પહોંચતા સીઝનનો પ્રથમ બરફ જામ્યો હતો. મંગળવારે સવારે ગૌમુખ રોડ પર સ્થિત ઘરના બાગીચાના પાંદડા પર જામેલી ઝાકળ બરફમાં ફેરવાઇ ગઇ હતી.
રાજ્યમાં સૌથી વધુ ઠંડી નલિયામાં 6.4 પડવાની સાથે ભુજમાં પણ રાત્રિનું તાપમાન ઘટીને 11.4 ડિગ્રીએ પહોંચી ગયું. નલિયા ઉપરાંત રાજ્યભરમાં ઠંડીનો ચમકારો અનુભવાતા જનજીવન પર અસર જોવા મળી રહી છે. જો કે બુધવારથી ન્યૂનતમ પારો બેથી ત્રણ ડિગ્રી ઉંચે ચડવાની સાથે ઠંડીમાં રાહત થવાની હવામાન ખાતાએ આગાહી કરી છે.