અમદાવાદમાં વકિલ દ્રારા 50 લાખની લાંચ માંગવામાં આવી હતી. જેમા લાંચ માગનારે કામ શરૂ કર્યા પહેલાં 20 લાખ અને પૂર્ણ થયા બાદ 30 લાખની લાંચ માંગી હતી. પરંતુ ACB એ ટ્રેપ ગોઠવીને આરોપી વકિલની ધકપકડ કરવામાં આવી છે.
અમદાવાદમાં આરોપી વકીલ અને વચેટિયા દ્વારા વેચાણ બાનાખતથી ખરીદેલ જમીન બાબતે કઠલાલ સીવીલ કોર્ટમાં સામેવાળાઓ વિરુધ્ધ મનાઇ હુકમ મેળવવા માટે દાવો કરેલ છે. તે દાવામાં ફરીયાદીની તરફેણમાં હુકમ કરાવી આપવા માટે લાંચ માંગવમાં આવી હતી. આરોપીએ ફરીયાદી પાસે રૂ.50 લાખની લાંચની માંગણી કરેલ હતી , તે પૈકી રૂ.20 લાખ પહેલા આપવાનાં અને બાકીનાં નાણાં મનાઇ હુકમ મળી ગયા બાદ આપવાનું નક્કી કરેલ હતું.
પરંતુ ફરીયાદી લાંચ આપવા માંગતા ના હોઇ તેથી ACB નો સંપર્ક કરી ફરીયાદ આપતા ACB એ લાંચનાં છટકાનું આયોજન કરવામાં આવેલ હતું. ACB ના લાંચ છટકા દરમ્યાન મામલતદાર કચેરી નરોડા ની સામે, જે.કે.ઝેરોક્ષની દુકાનમાં રંગેહાથ આરોપી રાજેન્દ્ર ભરત ગઢવી , સરકારી વકીલ, સુરેશ કુમાર પ્રહલાદ પટેલ (વચેટીયા) વકીલ મેટ્રો કોર્ટ,રહે.નરોડા અને વિશાલ કૌશીક પટેલ (વચેટીયા ) રહે. નરોડા આરોપીઓને રંગે હાથ પકડવામાં આવ્યા છે. ધરપકડ કરાયેલાં આરોપીઓની ACB એ આગળની તપાસ હાથ ધરી છે.
