કચ્છના મુન્દ્રામાં એસીના કમ્પ્રેશરમાં બ્લાસ્ટ થવાની ઘટના સામે આવી છે. જેમાં પિતા-પુત્રીના મોત થયા છે, જ્યારે પત્નીની હાલત ગંભીર હોવાનું જણાઇ આવ્યું છે.
ઘટના અંગે મળતી માહિતી મુજબ મુન્દ્રાના બારોઈ રોડ ખાતે આવેલા સૂર્યનગરમાં એક મકાનની અંદર ભયંકર આગ ઉઠી છે. રહેણાંક મકાન અંદર લાગેલા એસીના કમ્પ્રેશરમાં કોઈ કારણોસર બ્લાસ્ટ થતા આગ ભભૂકી છે. આગ લાગવાથી ઘરની અંદર ઊંઘી રહેલા એક જ પરિવારના ત્રણ સભ્યો ગંભીર રૂપથી દાઝી ગયા છે. જેમાં પિતા પુત્રીના મોત નિપજયા છે, જ્યારે 30 વર્ષીય કવિતાબેન 70 ટકા બળી જતા તેમને સારવાર અર્થે મુન્દ્રાની અદાણી હોસ્પિટલમાં ખસેડવામાં આવ્યા છે. જ્યાં તેમની હાલત નાજૂક સ્થિતિમાં હોવાનું જાણવા મળ્યું છે.
