પ્રધાનમંત્રી નરેન્દ્ર મોદીએ સોમવારે અમેરિકાના રાષ્ટ્રપતિ ડોનાલ્ડ ટ્રમ્પ સાથે ફોન પર વાત કરી. ટ્રમ્પ રાષ્ટ્રપતિ બન્યા પછી બંને નેતાઓએ પહેલી વાર ફોન પર વાત કરી. આ ફોન કોલમાં બંને નેતાઓ વચ્ચે ભારત-અમેરિકા સંબંધો અંગે ચર્ચા થઈ હતી. 20 જાન્યુઆરીએ અમેરિકન સરકારના આમંત્રણ પર ટ્રમ્પના શપથ ગ્રહણ સમારોહમાં વિદેશ મંત્રી એસ જયશંકરે ભારતનું પ્રતિનિધિત્વ કર્યું હતું અને ટ્રમ્પ માટે વડાપ્રધાન નરેન્દ્ર મોદીનો પત્ર લઈ ગયા હતા.
પ્રધાનમંત્રી નરેન્દ્ર મોદી અને ડોનાલ્ડ ટ્રમ્પ વચ્ચે ફોન પર વાતચીત થઈ છે. ટ્રમ્પ રાષ્ટ્રપતિ બન્યા પછી બંને વચ્ચે આ પહેલી વાતચીત છે. 20 જાન્યુઆરીએ શપથ લીધા બાદ, ડોનાલ્ડ ટ્રમ્પ બીજી વખત અમેરિકાના રાષ્ટ્રપતિ બન્યા છે. સૂત્રોના જણાવ્યા અનુસાર, બંને નેતાઓએ ટેલિફોન વાતચીત દરમિયાન ભારત અને અમેરિકા વચ્ચેના દ્વિપક્ષીય સંબંધો પર ચર્ચા કરી.
ઇન્સ્ટાગ્રામ પર એક પોસ્ટમાં, પીએમ મોદીએ કહ્યું: “મારા મિત્ર રાષ્ટ્રપતિ ડોનાલ્ડ ટ્રમ્પ સાથે વાત કરવાનો આનંદ થયો. તેમના ઐતિહાસિક બીજા કાર્યકાળ બદલ તેમને અભિનંદન. અમે પરસ્પર લાભદાયી અને વિશ્વસનીય ભાગીદારી માટે પ્રતિબદ્ધ છીએ. તેમણે કહ્યું, ‘આપણે આપણા લોકોના કલ્યાણ અને વૈશ્વિક શાંતિ, સમૃદ્ધિ અને સુરક્ષા માટે સાથે મળીને કામ કરીશું.’
રાષ્ટ્રપતિની ચૂંટણી જીત્યા પછી તરત જ, પીએમ મોદીએ 7 નવેમ્બરના રોજ ટ્રમ્પ સાથે વાત કરી હતી. વાતચીત દરમિયાન ટ્રમ્પે પીએમ મોદીની પ્રશંસા કરી અને તેમને ‘અદ્ભુત વ્યક્તિ’ ગણાવ્યા અને કહ્યું કે ‘આખી દુનિયા તેમને પ્રેમ કરે છે’. જો સૂત્રોનું માનીએ તો, ટ્રમ્પે કહ્યું કે ભારત એક અદ્ભુત દેશ છે અને તેઓ પીએમ મોદી અને ભારતને સાચા મિત્રો માને છે. તેમણે કહ્યું કે બંને નેતાઓ વિશ્વ શાંતિ માટે સાથે મળીને કામ કરવા સંમત થયા.
PM મોદી ફેબ્રુઆરીમાં અમેરિકા જઇ શકે છે ; ટ્રમ્પે પોસ્ટ કરીને જણાવ્યું
વડાપ્રધાન નરેન્દ્ર મોદી ફેબ્રુઆરીમાં અમેરિકા જઇ શકે છે. આ જાણકારી ખુદ અમેરિકન રાષ્ટ્રપતિ ડોનાલ્ડ ટ્રમ્પે આપી છે. ટ્રમ્પે પોસ્ટ કરીને જણાવ્યું કે પીએમ મોદી ફેબ્રુઆરીમાં વ્હાઇટ હાઉસની મુલાકાત લઇ શકે છે. ટ્રમ્પે કહ્યું કે, મારી ભારતીય વડાપ્રધાન નરેન્દ્ર મોદી સાથે લાંબી વાતચીત થઇ. તે આવતા મહિને ફેબ્રુઆરીમાં વ્હાઇટ હાઉસ આવી શકે છે. ભારત સાથે અમારા સારા સંબંધ છે.
