મધ્ય પ્રદેશના પન્ના સ્થિત જેકે સિમેન્ટ પ્લાન્ટમાં ગુરુવારે અકસ્માત થયો હતો. પ્લાન્ટના નિર્માણાધીન ભાગમાં છતની સ્લેબ નાખવામાં આવી રહી હતી, જ્યાં સેંકડો મજૂરો કામ કરી રહ્યા હતા. આ દરમિયાન અચાનક સ્કેફોલ્ડિંગ પડી ગયો, જેની ઝપેટમા ઘણા મજૂરો આવી ગયા. પહેલા બે મજૂરોના મોતના સમાચાર હતા, જે બાદમાં વધીને 5 થઈ ગયા. લગભગ 30 કામદારો ઘાયલ થયા હોવાનું કહેવાય છે.
ASP આરતી સિંહે કહ્યું કે, રાહત કાર્ય કરવામાં આવી રહ્યું છે. ઘણા ઘાયલ મજૂરોને નજીકની કટની જિલ્લા હોસ્પિટલમાં રીફર કરવામાં આવ્યા છે. તે જ સમયે કાટમાળ નીચે દટાયેલા ઘણા મજૂરોને બચાવવાના પ્રયાસો કરવામાં આવી રહ્યા છે.
