ઇન્દિરાએ સોંપ્યું, શું મોદી કચ્છથીવુ પાછું લાવશે?

પીએમ મોદી શુક્રવારે રાત્રે શ્રીલંકા પ્રવાસ પર પહોંચ્યા હતા. એવી અટકળો લગાવવામાં આવી રહી છે કે પીએમ મોદી શ્રીલંકા મુલાકાત દરમિયાન કચ્છથીવુના મુદ્દા પર ચર્ચા કરશે. પ્રશ્ન એ પણ છે કે શું ભારત ખરેખર કચ્છથીવુ પાછું મેળવી શકશે? ઓગસ્ટ 2023. વડાપ્રધાન મોદીએ સંસદમાં કહ્યું કે ઇન્દિરા ગાંધીની સરકારે 1974માં ‘ભારત માતાનો એક ભાગ’ શ્રીલંકાને આપ્યો હતો. તેઓ રામેશ્વરમ નજીક આવેલા કચ્છથીવુ ટાપુનો ઉલ્લેખ કરી રહ્યા હતા. 7 મહિના પછી મોદીએ સોશિયલ મીડિયા પોસ્ટમાં કચ્છથીવુ મુદ્દો ફરી ઉઠાવ્યો.કચ્છથીવુ મુદ્દા પર મોદીએ કોંગ્રેસને ઘેરી લીધી તે અચાનક નહોતું. 2014માં પહેલી સરકાર બન્યાના ત્રણ મહિના પછી એટર્ની જનરલે સુપ્રીમ કોર્ટને કહ્યું હતું કે કચ્છથીવુ પાછું મેળવવા માટે ‘યુદ્ધ લડવું પડશે’.
ભારતના તમિલનાડુ અને શ્રીલંકા વચ્ચે એક વિશાળ દરિયાઈ વિસ્તાર છે. આ દરિયાઈ વિસ્તારને પાલ્ક સ્ટ્રેટ કહેવામાં આવે છે. અહીં ઘણા ટાપુઓ છે, જેમાંથી એકનું નામ કચ્છથીવુ છે. શ્રીલંકાના વિદેશ મંત્રાલયની વેબસાઇટ અનુસાર કચ્છાથીવુ 285 એકરમાં ફેલાયેલો એક ટાપુ છે. આ ટાપુ બંગાળની ખાડી અને અરબી સમુદ્રને જોડે છે.આ ટાપુ 14મી સદીમાં જ્વાળામુખી વિસ્ફોટ પછી બન્યો હતો. જે રામેશ્વરમથી લગભગ 19 કિલોમીટર અને શ્રીલંકાના જાફના જિલ્લાથી લગભગ 16 કિલોમીટર દૂર છે. રોબર્ટ પાલ્ક 1755 થી 1763 સુધી મદ્રાસ પ્રાંતના બ્રિટિશ ગવર્નર હતા. આ દરિયાઈ વિસ્તારનું નામ રોબર્ટ પાલ્કના નામ પરથી પાલ્ક સ્ટ્રેટ રાખવામાં આવ્યું હતું.1974 અને 1976ની વચ્ચે તત્કાલીન ભારતીય પીએમ ઈન્દિરા ગાંધી અને શ્રીલંકાના પીએમ શ્રીમાવા બંદરનાઈકેએ ચાર દરિયાઈ જળ કરાર પર હસ્તાક્ષર કર્યા હતા. આ અંતર્ગત ભારતે આ ટાપુ શ્રીલંકાને સોંપી દીધો. ત્યારથી શ્રીલંકા આ ટાપુ પર કાયદેસર રીતે પોતાનો દાવો કરે છે.
જ્યારે ભારત સરકારે આ ટાપુ અંગે શ્રીલંકા સાથે કરાર કર્યો હતો ત્યારે તામિલનાડુ સરકારે એનો વિરોધ કર્યો હતો. ત્યાર બાદ તામિલનાડુના તત્કાલીન મુખ્યમંત્રી એમ. કરુણાનિધિએ પીએમ ઈન્દિરા ગાંધીને પત્ર લખીને કહ્યું હતું કે આ ટાપુઓ ઐતિહાસિક રીતે રામનાદ સામ્રાજ્યની જમીનદારીનો ભાગ છે.આવી સ્થિતિમાં ભારત સરકારે કોઈપણ કિંમતે આ વિસ્તાર શ્રીલંકાને આપવો જોઈએ નહીં. જોકે આ કરાર હેઠળ ભારતીય માછીમારોને અહીં માછલી પકડવાની અને તેમની જાળ સૂકવવાની છૂટ આપવામાં આવી હતી.