લખનઉની સરકારી લોકબંધુ હોસ્પિટલમાં રાત્રે લગભગ 10 વાગ્યે ભીષણ આગ લાગી હતી. હોસ્પિટલના બીજા માળે આગ લાગી હતી. અહીં બાળકો માટે NICU પણ છે. અહીં એક મહિલા યુનિટ પણ છે. આ ફ્લોર પર 35-40 દર્દીઓ દાખલ હતા.આગને કારણે હોસ્પિટલનો વીજળી પુરવઠો બંધ થઈ ગયો હતો અને ઓક્સિજન સપ્લાય બંધ થઈ ગયો હતો. આના કારણે ICUમાં દાખલ 61 વર્ષીય દર્દી રાજકુમાર પ્રજાપતિનું મૃત્યુ થયું.
આગનું કારણ શોર્ટ સર્કિટ હોવાનું કહેવાય છે. ફાયર બ્રિગેડની છ ગાડીઓ ઘટનાસ્થળે પહોંચી ગઈ. ડોક્ટરોએ જણાવ્યું હતું કે દાખલ કરાયેલા બાળકોને કોઈ નુકસાન ન થાય તે માટે તમામ પ્રયાસો કરવામાં આવી રહ્યા છે. ડેપ્યુટી સીએમ બ્રજેશ પાઠક પણ લોકબંધુ હોસ્પિટલ પહોંચ્યા છે. ઘટનાની જાણ થતા ડેપ્યુટી સીએમ બ્રજેશ પાઠક ઘટનાસ્થળે પહોંચ્યા હતા. તેમણે જણાવ્યું હતું કે આગના કારણે કોઈ ઘાયલ થયું નથી. તમામ 200 દર્દીઓને સુરક્ષિત રીતે બહાર કાઢી લેવાયા છે અને અન્ય હોસ્પિટલોમાં મોકલવામાં આવી રહ્યા છે.
