દિલ્હીમાં થોડા દિવસ પહેલા એક વેપારીનું અપહરણ થયું હતું. ત્રણ લોકો વેપારી નીરજકુમાર સિંહની
ઓફિસમાં આવે છે અને સીસીટીવી તોડી નાખે છે. વેપારીની ઓફિસમાં કામ કરતા લોકોને એક કાર
બેસાડીને લઈ જાય છે. જ્યારે વેપારીને પીરગઢી વિસ્તારમાં આવેલા પોલીસ મથકમાં લઈ જવામાં
આવ્યા હતા. એટલું જ નહીં પરંતુ 20.5 લાખ રૂપિયા ચૂકવવા દબાણ કરવામાં આવ્યું હતું.
આ કેસમાં તપાસ કરવામાં આવી ત્યારે જાણવા મળ્યું કે, આ ઘટના માટે માસ્ટરમાઇન્ડ બીજું કોઈ નહીં
પરંતુ મહિલા સબ ઇન્સ્પેક્ટર હતી. જ્યારે વેપારીનું અપહરણ કરવા માટે ગયા હતા તે પણ
પોલીસકર્મીઓ જ હતાં. આ કેસમાં માસ્ટરમાઇન્ડ સબ ઇન્સ્પેક્ટર નીતુ બિસ્ટ, કોન્સ્ટેબલ વિશાલ ચિલ્લર
અને પ્રમોદ કુમાર, હેડ કોન્સ્ટેબલ અજિત કુમાર અને ‘વચેટિયા’ અજય કશ્યપની ધરપકડ કરી લેવામાં
આવી છે. આ પોલીસે અધિકારી અને કોન્સ્ટેબલોએ કોઈ કેસમાં વેપારી સાથે સેટલમેન્ટ કરવા માટે રૂપિયા
માંગ્યાં હતાં. જે કેસ વાસ્તવમાં થયો જ નથી કે કેસમાં ફસાવી દેવાની ધમકીઓ આવી હતી. જેથી
વેપારી નીરજ કુમાર સિંહે આ કેસને રફાદફા કરવા માટે 20.5 લાખ રૂપિયા આપવાનું નક્કી કરવામાં
આવ્યું હતું. જેમાંથી 6.5 લાખ રૂપિયા ચેકથી અને 10 લાખ બેંક દ્વારા જ્યારે બીજા 4 લાખ રૂપિયા સંબંધી
દ્વારા અપાવ્યાં હતાં.આ સમગ્ર મામલામાં માસ્ટરમાઇન્ડ સબ ઇન્સ્પેક્ટર નીતુ બિસ્ટ છે. તેમના કહેવા પર
આ બધું થયું હતું. વેપારી નીરજ કુમાર સિંહની ફરિયાદના આધારે પશ્ચિમ વિહાર પૂર્વ પોલીસ સ્ટેશનમાં
આરોપીઓ સામે ભારતીય ન્યાય સંહિતાની કલમ 308(2), 308(3), 140(3), 115(2), 127(2) , 61(2),
અને 3(5) હેઠળ FIR નોંધવામાં આવી છે. પોલીસ કર્મચારીઓને સસ્પેન્ડ કરવામાં આવ્યાં છે અને
વિભાગીય તપાસ શરૂ કરવામાં આવી છે.
