મિડલ ઈસ્ટમાં ચાલી રહેલી લડાઈને કારણે અનેક એવા અખાતી દેશને ભોગવવાનો વારો આવ્યો છે.
ઈરાનના અલબોર્જ પ્રાંતમાં એક મોટા ઈન્ફ્રા. પ્રોજેક્ટ B1 બ્રિજને મોટું નુકસાન થયું છે. વિગત એવી
મળી છે કે, અમેરિકા અને ઈઝરાયલે હુમલો કરી દેતા આ બ્રિજને ભારે નુકસાન પહોંચ્યું છે. હુમલો થતા
વીજ સપ્લાય ખોરવાઈ ગઈ હતી. અંધારપટ છવાયો હતો. આ ઘટનામાં બે વ્યક્તિઓના મૃત્યુ થયા છે.
B1 બ્રિજ તૈયાર થઈ ગયો હતો. હુમલાને કારણે અચાનક વીજળી ગૂલ થઈ જતા આસપાસના
રહેવાસીઓના દૈનિક જીવનને માઠી અસર પહોંચી હતી. સ્થાનિક મીડિયા રિપોર્ટ અનુસાર છેલ્લા દોઢ
મહિનાથી મિડલ ઈસ્ટમાં સ્થિતિ તણાવગ્રસ્ત બની રહી છે. ઑક્ટોબર 2023માં ઈઝરાયલ અને હમાસ
વચ્ચે યુદ્ધ થયું, જે પછી આસપાસના દેશ સુધી પહોંચી ગયું. એ પછી ઈઝરાયલે લેબનનના હિજબુલ્લાહ
પર હુમલા કર્યા હતા, યમનના હુતીના વિદ્રોહીઓએ રાતા સમુદ્રમાં જહાજને રોકવાનું શરૂ કરી દેતા
મામલ વણસ્યો હતો. એ પછી ઈરાન ઈઝરાયલ અને અમેરિકા વચ્ચે યુદ્ધના કારણે માહોલ ગરમાયો
હતો.
હમાસ, હિજબુલ્લાહ અને હુતી આ ત્રણેય ઈરાનના સમર્થનમાં છે. તેથી ઈરાન ઈઝરાયલના નિશાના પર
છે. B1 બ્રિજ ઉત્તર કરજ પ્રાંતમાં આવેલો છે. આ મિડલ ઈસ્ટનો સૌથી મોટો પૂલ બનવાનો હતો. આશરે
400 મિલિયન યુએસ ડૉલર એટલે કે, 37 હજાર કરોડ રૂપિયાથી પણ વધારે ખર્ચ તેને તૈયાર કરવામાં
થયો હતો. આ બ્રિજ 1050 મીટર લાંબો છે અને 136 મીટર ઊંચાઈ ધરાવતા પોલ પર તૈયાર કરાયો છે.
આ એક નિર્માણાધીન પૂલ હતો. આ કારણે વીજ પુરવઠો ખોરવાયો હતો. ઈઝરાયલ અને અમેરિકા એ
સંયુક્ત રીતે હુમલો કર્યો હતો. રિપોર્ટ અનુસાર વીજળી ગૂલ થતા હોસ્પિટલ અને સ્કૂલ જેવી સંસ્થાઓને
અસર પહોંચી છે.
આ લડાઈ હવે સૈનિક અને હથિયાર પૂરતી સિમિત રહી નથી, રસ્તાઓ, વીજળીઘર, બ્રિજ, તેલ ટર્મિનલ
અને પોર્ટ જેવા વિસ્તાર પર હુમલો કરવામાં આવી રહ્યો છે. આ એ જ બધા માળખા છે જેનાથી એક દેશ
ચાલતો હોય છે. વૉરમાંથી હવે ઈન્ફ્રા. વૉર બની રહી છે. અમેરિકાની આ દુશ્મન દેશને અંદરથી તોડી
નાંખવાની રણનીતિનો એક ભાગે છે.
