ઈસ્લામાબાદમાં અમેરિકા અને ઈરાન વચ્ચેની શાંતિ મંત્રણા નિષ્ફળ જતાં ફરી એકવાર મોટા યુદ્ધના ભણકારાં તથા વૈશ્વિક બજારની અસરને પગલે ભારતીય બજારમાં આજે સોના અને ચાંદીના ભાવમાં મોટો ઘટાડો જોવા મળ્યો છે. રોકાણકારો માટે આજે આંચકાજનક દિવસ રહ્યો છે, કારણ કે સોનામાં પ્રતિ 10 ગ્રામ 1,195 અને ચાંદીમાં પ્રતિ કિલો 6,084 નો જંગી કડાકો બોલાયો છે.માહિતી મુજબ, સોનાના ભાવમાં આજે નોંધપાત્ર ઘટાડો જોવા મળ્યો છે:જૂનો બંધ ભાવ 1,52,652 નવો ઓપન ભાવ 1,51,547 સોનું 1,51,601 ની આસપાસ ટ્રેડ થઈ રહ્યું છે, જે અગાઉના બંધ ભાવથી અંદાજે 0.69% નીચે છે.
અત્યારે ચાંદી 2,38,100 ના લેવલ પર જોવા મળી રહી છે. ઓપનિંગમાં જ ચાંદી 5,000 થી વધુ તૂટી હતી અને કુલ કડાકો 6,084 સુધી પહોંચ્યો હતો.
એકબાજુ ઇરાન અને અમેરિકા વચ્ચે ફરી ભીષણ યુદ્ધના ભણકારા અને ભૂ-રાજકીય તણાવમાં થોડી રાહત અથવા વૈશ્વિક સ્તરે ડોલરની મજબૂતીને કારણે કિંમતી ધાતુઓમાં પ્રોફિટ બુકિંગ જોવા મળી રહ્યું હોય તેમ જણાય છે. સમાચાર લખવા સુધી બજારમાં ભારે વોલેટિલિટી જોવા મળી રહી છે અને નીચલા સ્તરેથી થોડી રિકવરીના પ્રયાસો થઈ રહ્યા છે.
