વરતેજ ગામની સીમમાંથી વરતેજ પોલીસે રૂપિયા ૧૭ લાખ ઉપરાંત ની કિંમતનો ઇંગ્લિશ દારૂ અને બિયરના જથ્થા સાથે ભાવનગરના શખ્સની ધરપકડ કરી રૂ. ૩૭.૧૭ લાખનો મુદ્દામાલ હસ્તગત કર્યો હતો.
ઇંગ્લિશ દારૂ અને બીયરનો જથ્થો મંગાવનાર વરતેજનો શખ્સ અને કટીંગ કામ માટે ભેગા થયેલા મજૂરો અને વાહનોના ચાલકો પોલીસને જોઈને ફરાર થઈ ગયા હતા.
પોલીસે રૂ. ૧૭.૧૨ લાખનો ઇંગ્લિશ દારૂ અને બિયરનો જથ્થો, એક આઇસર ટ્રક, છ પીકઅપ વાહન, એક મોબાઈલ અને ટ્રકમાં ભરેલ માટીના વાસણોના ખોખા મળી કુલ રૂ. ૩૭,૧૭,૪૦૦ નો મુદ્દામાલ કબજે કર્યો હતો.
