ફ્રાંસમાં મોંઘવારી અને જીવનનિર્વાહના વધતા ખર્ચ સામે ફાટી નીકળેલા ઉગ્ર વિરોધ પ્રદર્શનો અને આગચંપી વચ્ચે અમેરિકી રાષ્ટ્રપતિ ડોનાલ્ડ ટ્રમ્પ અને ફ્રાન્સના રાષ્ટ્રપતિ ઇમેન્યુઅલ મેક્રોન વચ્ચે ગંભીર રાજદ્વારી ટકરાવ સર્જાયો છે. ટ્રમ્પે ફ્રાંસમાં ચાલી રહેલી લૂંટફાટ અને હિંસા માટે સીધા મુસ્લિમ, પ્રવાસીઓ અને શિથિલ ઈમિગ્રેશન નીતિઓને જવાબદાર ઠેરવી મેક્રોનને તાત્કાલિક સરહદો સીલ કરવાની સલાહ આપી હતી.
અમેરિકન રાષ્ટ્રપતિ ડોનાલ્ડ ટ્રમ્પના ફ્રાંસ ટૂંક સમયમાં મુસ્લિમ શહેર બની જશે એવા નિવેદનથી રોષે ભરાયેલા ફ્રેન્ચ રાષ્ટ્રપતિ ઇમેન્યુઅલ મેક્રોને ટ્રમ્પનું નામ લીધા વિના તેમના દાવાઓને સંપૂર્ણ પાયા વિહોણા,અસ્વીકાર્ય અને મૂર્ખતાભર્યા ગણાવી જડબાતોડ જવાબ આપતાં ગંભીર આક્ષેપો પણ કર્યા છે. સમગ્ર
ટ્રમ્પે સોશિયલ મીડિયા પર ખુલ્લેઆમ લખ્યું હતું કે ફ્રાંસ આગ અને હિંસામાં સળગી રહ્યું છે, તેથી હવે મેક્રોને વધુ મોડું કર્યા વગર દેશની તમામ સરહદો બંધ કરી દેવી જોઈએ અને કડક હાથે પરિસ્થિતિ પર કાબૂ મેળવવો જોઈએ. મેક્રોને આક્ષેમ કર્યો છે કે પ્રવાસીઓ કે ઈસ્લામવાદીઓએ ફ્રાંસ પર કબજો જમાવી લીધો હોવાના દાવા સાવ ખોટા છે. આર્ટિફિશિયલ ઇન્ટેલિજન્સ (AI) અને ડીપફેક ટેક્નોલોજીની મદદથી બનાવટી દ્રશ્યો, ફોટાઓ અને હિંસાના ફેક વીડિયો વાઈરલ કરાઈ રહ્યા છે, જે હકીકતમાં ફ્રાંસમાં ક્યારેય જોવા જ નથી મળ્યા. મેક્રોને વધુમાં એવું પણ ઉમેર્યું હતું કે કેટલાક વિદેશી નેતાઓ પોતાના દેશની આંતરિક ચૂંટણીઓ અને રાજકીય પ્રચારમાં ફાયદો મેળવવા માટે ફ્રાંસની મુશ્કેલીઓ અને એઆઈ ફેક કન્ટેન્ટનો ઉપયોગ કરી રહ્યા છે, જે તદ્દન અયોગ્ય છે.
