સુપ્રીમ કોર્ટમાં એક અપીલ કરી સરકારના નિર્ણયને પડકારાયો છે કે જે અંતર્ગત એ લોકોને અનુસૂચિત જાતિ (એસસી)નો દરજ્જો આપવા પર વિચાર કરવા માટે એક કમિટીની રચના કરવામાં આવી છે. તેમાં એવા લોકો સામે છે, જે ધર્મ પરિવર્તન પછી દાવો કરે છે કે, તે મૂળ અનુસૂચિત જાતિના છે, પરંતુ તેમણે ખ્રિસ્તી કે મુસ્લિમ ધર્મ અપનાવી લીધો છે. આ કમિટીના અધ્યક્ષ પૂર્વ ચીફ જસ્ટિસ કે જી બાલાકૃષ્ણનને બનાવાયા છે. બંધારણ (અનુસૂચિત જાતિ) આદેશ, 1950 (સમયાંતરે સંશોધિત)માં કહેવાયું છે કે, હિંદુ કે શીખ ધર્મ કે બૌદ્ધ ધર્મ ઉપરાંત અન્ય ધર્મમાં માનનારી વ્યક્તિને અનુસૂચિત જાતિના સદસ્ય માની શકાય નહીં.
વકીલ પ્રતાપ બાબુરાવ પંડિત દ્વારા કરાયેલી અરજીમાં કહેવાયું છે કે, તેઓ મહાર જાતિના છે અને અનુસૂચિત જાતિના ખ્રિસ્તી છે. અપીલકર્તાએ દલીલ કરી કે, કેન્દ્ર સરકારે વર્ષો સુધી ઘણી કમિટીઓની રચના કરી છે. હવે એક નવી કમિટીની રચનાથી સુપ્રીમ કોર્ટમાં આ મામલે સુનાવણીમાં વધારે મોડું થશે. સુપ્રીમ કોર્ટમાં પહેલેથી જ ઘણી અરજીઓ છે, જે 2004માં દાખલ કરાઈ હતી.
અરજીમાં કહેવાયું છે કે, ‘અપીલકર્તા પરેશાન છે, કેમકે મુખ્ય રિટ અરજી (સિવિલ) સંખ્યા 180/2004 અને સંબંધિત અરજીઓ 18 વર્ષોથી પડતર છે. અપીલકર્તાને આશંકા છે કે જો વર્તમાન કમિટીને મંજૂરી આપવામાં આવે છે, તો મુખ્ય અરજી પર સુનાવણીમાં મોડું થઈ શકે છે, જેનાથી અનુસૂચિત જાતિના મૂળની ખ્રિસ્તીઓને અપૂર્ણ ક્ષતિ થઈ શકે છે, જેમને છેલ્લા 72 વર્ષથી અનુસૂચિત જાતિના વિશેષાધિકારથી વંચિત રાખવામાં આવ્યા છે.’ વકીલ ફ્રેન્કલિન સીઝર થોમસ દ્વારા કરાયેલી અરજીમાં કહેવાયું છે કે, તેની અસર પ્રભાવિત સમુદાયના મૌલિક અધિકારો પર પણ પડી રહી છે, તેમજ કલમ 21 મુજબ ત્વરિય ન્યાય આપવો અનિવાર્ય છે.
ધર્મ પરિવર્તન કરી ચૂકેલા લોકોને એસસીનો દરજ્જો મળશે કે નહીં? સુપ્રીમ કોર્ટમાં અપીલ
બંધારણમાં કહેવાયું છે કે, હિંદુ, શીખ કે બૌદ્ધ ધર્મ ઉપરાંત કોઈ અન્ય ધર્મની વ્યક્તિને અનુસૂચિત જાતિનો સદસ્ય માની શકાતો નથી
