આઈપીએલ 2023 ની દસમી મેચ લખનૌના શ્રી અટલ બિહારી બાજપેયી એકાના ઈન્ટરનેશનલ સ્ટેડિયમ ખાતે લખનૌ સુપર જાયન્ટ્સ અને સનરાઈઝર્સ હૈદરાબાદ વચ્ચે રમાઈ હતી. લખનૌએ આ મેચ 16 ઓવરમાં 5 વિકેટે જીતી લીધી હતી. સનરાઇઝર્સ હૈદરાબાદને આ સિઝનની પ્રથમ બે મેચમાં હારનો સામનો કરવો પડ્યો હતો.
આજની મેચમાં સનરાઈઝર્સ હૈદરાબાદે 20 ઓવરમાં માત્ર 121 રન બનાવ્યા હતા, જેનો લખનૌએ ખૂબ જ સરળતાથી પીછો કરીને મેચ જીતી લીધી હતી. સનરાઈઝર્સ હૈદરાબાદની આ હારના ત્રણ સૌથી મોટા કારણો શું હતા.
કારણ 1: ટોસ જીત્યા પછી પ્રથમ બેટિંગ
સનરાઇઝર્સ હૈદરાબાદનો નવો કેપ્ટન એડન માર્કરામ લખનૌની પિચને બરાબર સમજી શક્યો નહોતો. એડને ટોસ જીતીને પહેલા બેટિંગ કરવાનો નિર્ણય કર્યો અને આ નિર્ણય તેના માટે બિલકુલ ખોટો સાબિત થયો. આપીચ શરૂઆતથી જ ખૂબ જ ધીમી હતી, જે ધીમે ધીમે બીજા દાવમાં સારી થતી ગઈ. જેના કારણે આ પીચ પર પહેલા બેટિંગ કરવી મુશ્કેલ હતી, જ્યારે બીજી ઇનિંગમાં લખનૌના બેટ્સમેનોને વધારે મુશ્કેલીનો સામનો કરવો પડ્યો ન હતો.
કારણ 2: બેટ્સમેનોનું ખરાબ પ્રદર્શન
આ મેચમાં સનરાઇઝર્સ હૈદરાબાદના બેટ્સમેનોએ ખૂબ જ ખરાબ પ્રદર્શન કર્યું હતું. હૈદરાબાદના ત્રણ બેટ્સમેનોએ 100થી ઓછી સ્ટ્રાઈક રેટથી બેટિંગ કરી હતી, જ્યારે કેપ્ટન સહિત બે બેટ્સમેન પોતાનું ખાતું ખોલી શક્યા નહોતા. 13.25 કરોડ સાથે હેરી બ્રુક પણ સતત બીજી મેચમાં ફ્લોપ સાબિત થયો હતો. વોશિંગ્ટન સુંદરે હૈદરાબાદની લથડતી ઇનિંગ્સને સંભાળતી વખતે એટલી ધીમી ઇનિંગ્સ રમી કે તેનો સ્ટ્રાઇક રેટ 60થી નીચે રહ્યો. આ કારણોસર સનરાઇઝર્સ હૈદરાબાદની ટીમ માત્ર 121 રન જ બનાવી શકી હતી.
કારણ 3: ખરાબ ફિલ્ડિંગ અને વધારાના રન
સનરાઇઝર્સ હૈદરાબાદના ફિલ્ડરોએ બહુ ઓછા રન હોવા છતાં ખૂબ જ નબળી ફિલ્ડિંગ કરી હતી. આ સિવાય હૈદરાબાદના બોલરોએ આ મેચમાં એક્સ્ટ્રામાં 17 રન આપ્યા હતા, જેમાંથી 15 માત્ર વાઈડ બોલના હતા. કોઈ પણ ટીમ માત્ર 121 રનનો બચાવ કરવા માટે 15 વાઈડ આપી શકતી નથી કારણ કે 15 વાઈડ આપવાથી બેટિંગ કરનાર ટીમને 15 વધારાના રન તેમજ 15 વધારાના બોલ રમવાના હોય છે. મતલબ કે 20 ઓવરની મેચ 22.3 ઓવરની બને છે.
આ કારણોને લીધે સનરાઇઝર્સ હૈદરાબાદને લખનૌ સામેની આ મેચમાં ખૂબ જ ખરાબ હારનો સામનો કરવો પડ્યો હતો. આ હારને કારણે હૈદરાબાદની ટીમ હવે પોઈન્ટ ટેબલમાં સૌથી નીચલા સ્થાને એટલે કે દસમા સ્થાને પહોંચી ગઈ છે.
