રાજસ્થાન રોયલ્સે ચેન્નાઈ સુપર કિંગ્સને 3 રનથી હરાવ્યું છે. ચેન્નાઈ સુપર કિંગ્સ સામે મેચ જીતવા માટે 176 રનનો ટાર્ગેટ હતો, પરંતુ મહેન્દ્ર સિંહ ધોનીની ટીમ 20 ઓવરમાં 6 વિકેટે 172 રન જ બનાવી શકી હતી. મહેન્દ્ર સિંહ ધોની અને રવીન્દ્ર જાડેજાએ ટીમને જીત સુધી લઈ જવાનો પૂરો પ્રયાસ કર્યો હતો, પરંતુ ટાર્ગેટથી 3 રન પાછળ રહી ગયા હતા. જો કે મહેન્દ્ર સિંહ ધોનીની આગેવાની હેઠળની ચેન્નાઈ સુપર કિંગ્સની હાર બાદ રાજસ્થાન રોયલ્સ ટીમ પોઈન્ટ ટેબલમાં ટોપ પર પહોંચી ગઈ છે.
વિજય બાદ રાજસ્થાન રોયલ્સ ટીમ ટોપ પર પહોંચી ગઈ છે
રાજસ્થાન રોયલ્સની જીત બાદ લખનૌ સુપર જાયન્ટ્સ પોઈન્ટ ટેબલમાં બીજા નંબરે સરકી ગઈ છે. જો કે, રાજસ્થાન રોયલ્સ અને લખનૌ સુપર જાયન્ટ્સના 6-6 પોઈન્ટ છે, પરંતુ સારા નેટ રન રેટના કારણે સંજુ સેમસનની ટીમ ટોપ પર છે. ચેન્નાઈ સુપર કિંગ્સની ટીમ 4 મેચમાં 2 જીત અને 2 હાર સાથે પોઈન્ટ ટેબલમાં પાંચમાં નંબર પર છે. કોલકાતા નાઈટ રાઈડર્સ અને ગુજરાત ટાઈટન્સની ટીમો પોઈન્ટ ટેબલમાં અનુક્રમે ત્રીજા અને ચોથા સ્થાને છે. જ્યારે શિખર ધવનની કેપ્ટન્સીવાળી પંજાબ કિંગ્સ છઠ્ઠા નંબર પર છે.
દિલ્હી કેપિટલ્સ સિઝનની તેમની પ્રથમ જીતની રાહ જોઈ રહી છે
કોલકાતા નાઈટ રાઈડર્સ સિવાય ગુજરાત ટાઈટન્સ, ચેન્નાઈ સુપર કિંગ્સ અને પંજાબ કિંગ્સ પાસે 4-4 પોઈન્ટ છે. આ સાથે જ રોયલ ચેલેન્જર્સ બેંગ્લોર પોઈન્ટ ટેબલમાં સાતમા નંબર પર છે. જ્યારે રોહિત શર્માની સુકાની મુંબઈ ઈન્ડિયન્સ આઠમા નંબરે છે. સનરાઈઝર્સ હૈદરાબાદ પોઈન્ટ ટેબલમાં નવમા ક્રમે છે. આ સિવાય દિલ્હી કેપિટલ્સની ટીમ પોઈન્ટ ટેબલમાં સૌથી નીચે એટલે કે દસમા નંબર પર છે. રોયલ ચેલેન્જર્સ બેંગ્લોર, મુંબઈ ઈન્ડિયન્સ અને સનરાઈઝર્સ હૈદરાબાદના 2-2 પોઈન્ટ છે. જ્યારે ડેવિડ વોર્નરની કપ્તાનીવાળી દિલ્હી કેપિટલ્સ પોતાની પ્રથમ જીતની રાહ જોઈ રહી છે.
