આગામી 3 દિવસ સુધી રાજ્યમાં કમોસમી વરસાદની આગાહી

રાજ્યમાં કમોસમી વરસાદનો વધુ એક રાઉન્ડ શરૂ થયો છે. ગુજરાતમાં મેમાં અષાઢી માહોલ જામ્યો છે. સતત પડી રહેલા કમોસમી વરસાદના કારણે ખેડૂતોના જીવ પડીકે બંધાયા છે. હવામાન વિભાગે આગામી 3 દિવસ સુધી રાજ્યમાં કમોસમી વરસાદની આગાહી કરી છે.
આજે સાબરકાંઠા, અરવલ્લી, પોરબંદર, દ્વારકા અને કચ્છમાં કમોસમી વરસાદની આગાહી કરવામાં આવી છે. તથા 2 મેના રોજ બનાસકાંઠા, અરવલ્લી, સાબરકાંઠા, ડાંગ, તાપી, અમરેલી, ભાવનગર, ગીરસોમનાથ અને કચ્છમાં વરસાદની આગાહી કરવામાં આવી છે. સાથે 3 મેના રોજ, બનાસકાંઠા, મહેસાણા, પાટણ, સાબરકાંઠા, ગાંધીનગર, અરવલ્લી,અમદાવાદમાં વરસાદની આગાહી કરવામાં આવી છે. ઉપરાંત 3 મેના રોજ દાહોદ, ડાંગ, તાપી, અમરેલી, ભાવનગર, ગીરસોમનાથ,બોટાદ અને કચ્છમાં કમોસમી વરસાદની આગાહી કરવામાં આવી છે.