બિપરજોય વાવાઝોડાને લઈ રાજ્યમાં વરસાદની આગાહી કરવામાં આવી છે. આજે સૌરાષ્ટ્ર-કચ્છમાં ભારેથી અતિભારે વરસાદની આગાહી કરવામાં આવી છે. જેમાં ખાસ કરીને જામનગર, પોરબંદર, મોરબીમાં ભારે વરસાદની આગાહી કરાઇ છે. આ તરફ ભારે વરસાદ સાથે સૌરાષ્ટ્ર અને કચ્છમાં ભારે પવન ફૂંકાવાની આગાહી પણ કરવામાં આવી છે.
આજે સૌરાષ્ટ્ર-કચ્છમાં ભારેથી અતિભારે વરસાદ પડી શકે છે. આ સાથે જામનગર, પોરબંદર, મોરબીમાં પણ ભારે વરસાદ તો ભરૂચ, સુરત, રાજકોટ, જૂનાગઢ, અમરેલી, ભાવનગર અને ગીર સોમનાથમાં પણ વરસાદની આગાહી કરાઇ છે. હવામાન વિભાગની આગાહી મુજબ ભારે વરસાદ સાથે દ્વારકા અને પોરબંદરમાં આજે ભારે પવન ફૂંકાશે. આ સાથે કચ્છ, રાજકોટ, જામનગર અને જૂનાગઢમાં પણ ભારે પવન ફૂંકાઇ શકે છે.
