ટ્વિટર ખરીદ્યા બાદ મસ્ક એક પછી એક ફેરફાર કરી રહી છે. ત્યારે હવે એવી પણ ચર્ચાએ જોર પકડ્યું છે કે, ટ્વિટરના માલિક ઈલોન મસ્ક ટૂંક સમયમાં ટ્વિટરનો લોગો એટલે કે પક્ષીનો લોગો હટાવવાની તૈયારી કરી રહ્યા છે.
મસ્કે ટ્વીટ કરીને આ ફેરફારનો સંકેત આપ્યો છે. મસ્કે લખ્યું કે ટૂંક સમયમાં અમે ટ્વિટર બ્રાન્ડથી ધીમે ધીમે તમામ પક્ષીઓને અલવિદા કહીશું. તાજેતરમાં, મસ્કે કહ્યું છે કે ટ્વિટર પર ડાયરેક્ટ મેસેજિંગ (DM) માટે પણ પૈસા ચૂકવવા પડશે.
પોતાના લેટેસ્ટ ટ્વીટમાં મસ્કે ટ્વિટરના લોગોમાં ફેરફાર કરવાનો સંકેત આપ્યો હતો. મસ્કે ટ્વિટ કર્યું, ‘ટૂંક સમયમાં જ અમે ટ્વિટર બ્રાન્ડને અને ધીમે ધીમે તમામ પક્ષીઓને અલવિદા કહીશું.’ તેણે અન્ય ટ્વિટમાં કહ્યું કે જો આજે રાત્રે કૂલ X લોગો પોસ્ટ કરવામાં આવશે, તો અમે આવતીકાલે તેને વિશ્વભરમાં લાઇવ કરીશું. મસ્કની આ ટિપ્પણી એવા સમયે આવી છે જ્યારે મસ્કે તાજેતરમાં જ તેની નવી આર્ટિફિશિયલ ઇન્ટેલિજન્સ કંપની xAI લોન્ચ કરી છે. મસ્ક આ કંપની વિશે દાવો કરે છે કે તે “બ્રહ્માંડને સમજશે.”
એલોન મસ્કે તેની મોટાભાગની કંપનીઓના નામ અને લોગોમાં Xનો સમાવેશ કર્યો છે. તાજેતરમાં લૉન્ચ થયેલી આર્ટિફિશિયલ ઇન્ટેલિજન્સ કંપનીનું નામ પણ xAI રાખવામાં આવ્યું છે. તે જ સમયે, મસ્કની સ્પેસ એક્સપ્લોરેશન ટેક્નોલોજી કોર્પોરેશન કંપની સ્પેસએક્સનું નામ પણ Xનું બનેલું છે. હવે મસ્ક ટ્વિટર બર્ડ લોગોને X સાથે બદલવાની પણ તૈયારી કરી રહી છે. તેણે ટ્વીટમાં લખ્યું કે લોગો આવો હશે પરંતુ તેમાં X હશે.
ટ્વિટર બ્લુ એ કંપનીની ફી આધારિત સેવા છે, જે તાજેતરમાં રજૂ કરવામાં આવી છે. ટ્વિટર બ્લુ હેઠળ, વપરાશકર્તાઓને બ્લુ ટિક મળે છે અને દર મહિને એક નિશ્ચિત ફી ચૂકવવી પડે છે. ટ્વિટર બ્લુ ટિક પછી હવે એલોન મસ્ક ટ્વિટર ફી આધારિત અન્ય ઘણા ફીચર્સ બનાવી રહ્યા છે.
