અમદાવાદમાં એરપોર્ટથી આવતા દંપત્તિ પાસેથી 60 હજાર રૂપિયા પડાવનારા ત્રણ પોલીસ કર્મીને પોલીસે ઝડપી કોર્ટમાં રજૂ કર્યા હતા. કોર્ટે ત્રણેય આરોપીઓને મંગળવાર સાંજે 5 વાગ્યા સુધીના રિમાન્ડ મંજૂર કર્યા છે.
તથ્ય અકસ્માત કેસ બાદ શહેર પોલીસ કમિશનરે રાત્રે પણ SG હાઈવે આસપાસ ટ્રાફિક પોલીસને નોકરી સોંપી હતી ત્યારે A ટ્રાફિક પોલીસ સ્ટેશનના બે પોલીસ કર્મીએ દંપતીનો 60 હજારનો તોડ કર્યાની ફરિયાદ નોંધાતા સોલા પોલીસે તોડ કરનારા પોલીસ કર્મીઓ ASI મુકેશભાઈ રામ ભાઈ ચૌધરી, પોલીસ કોન્સ્ટેબલ અશોકભાઈ જગમાલભાઈ પટેલ અને TRB જવાન વિશાલ સોલંકીની ધરપકડ કરી છે
સોલા પોલીસ સ્ટેશન વિસ્તારના ઓગણજ નજીક એરપોર્ટથી પોતાના ઘરે જતા દંપતી ને કેસ કરવાનો ડર દેખાડી ને બળજબરી પૂર્વક 60 હજાર રૂપિયા પડાવી લીધા હતા ત્યારે ફરિયાદ નોંધાતા સોલા પોલીસે તપાસ શરૂ કરી હતી જેમાં એ ટ્રાફિક પોલીસ સ્ટેશન ફરજ બજાવતા પોલીસ કર્મીની નોકરી બનાવના સમયે નોકરી એ ટ્રાફિક પોલીસ સ્ટેશનમાં હોવાનું તપાસમાં સામે આવતા ત્રણેયની ધરપકડ કરી છે પકડાયેલા ASI મુકેશભાઈ રામ ભાઈ ચૌધરી વર્ષ 2016માં પોલીસમાં ભરતી થયા હતા પોલીસ કોન્સ્ટેબલ અશોકભાઈ જગમાલભાઈ પટેલ વર્ષ 2017માં પોલીસમાં ભરતી થયા હતા.. આ કેસમાં લાંચ રૂશ્વત કેસની કલમનો ઉમેરો કરવા માટે તજવીજ હાથ ધરી છે
