કેન્દ્ર સરકારે સંસદનું વિશેષ સત્ર બોલવાની જાહેરાત કરી હતી. આ સત્ર 18થી 22 સપ્ટેમ્બર સુધી ચાલશે. જણાવવામાં આવી રહ્યું છે કે, આ સત્રમાં પાંચ બેઠકો હશે. મહત્વનું છે કે, આ સત્ર દરમિયાન 10થી વધુ મહત્વના બિલ રજૂ કરવામાં આવશે, જેના કારણે વિશેષ સત્ર બોલાવવામાં આવી રહ્યું છે. સંસદના વિશેષ સત્ર દરમિયાન ‘એક દેશ એક ચૂંટણી’, UCC અને મહિલા અનામત બિલ પણ રજૂ કરવામાં આવી શકે છે. આ વિશેષ સત્રને લઇ વધુ એક સમાચાર સામે આવી રહ્યા છે. સુત્રો અનુસાર, સંસદના બંને ગૃહોમાં નવો ડ્રેસ કોડ લાગુ કરવામાં આવી શકે છે. લોકસભાના અધિકારીઓના જણાવ્યા અનુસાર, સંસદના બંને ગૃહોના કર્મચારીઓ આવતા અઠવાડિયે નવા બિલ્ડિંગમાં જશે ત્યારે નવો યુનિફોર્મ પહેરશે. તેમણે વધુમાં જાણકારી આપતા જણાવ્યું કે, નવા યુનિફોર્મમાં ‘ભારતીયતા’નો સ્પર્શ હશે.
આ બદલાવ એક નવા રાજકીય વિવાદને જન્મ આપી શકે છે કારણ કે તે સતાપક્ષ એટલે કે BJPનું ચૂંટણી પ્રતીક કમળ છે. અધિકારીઓના જણાવ્યા અનુસાર, તમામ 18 નેશનલ ઇન્સ્ટિટ્યૂટ ઓફ ફેશન ટેક્નોલોજી (NIFT)ને નવા યુનિફોર્મ માટે ડિઝાઇન પ્રસ્તાવો સૂચવવા માટે કહેવામાં આવ્યું હતું. એક નિષ્ણાત સમિતિએ તે દરખાસ્તોમાંથી નવા યુનિફોર્મને અંતિમ સ્વરૂપ આપ્યું છે.
