રાજકોટ, ભાવનગરમાં હળવા વરસાદની સંભાવના

આજે નવલી નવરાત્રિનું બીજું નોરતું છે ત્યાં હવામાન વિભાગની એક આગાહીએ ગરબા રસિકોના રંગમાં ભંગ પાડવા જેવું કામ કર્યું છે. હવામાન વિભાગે આજથી બે દિવસ ગુજરાતના વિવિધ વિસ્તારોમાં વરસાદની આગાહી વ્યક્ત કરી છે.
આજથી બે દિવસ વરસાદની વકી છે. ખેલૈયાઓના રંગમાં ભંગ પડી શકે. ખાસ કરીને ગુજરાતના વિવિધ વિસ્તારોમાં સાંજ બાદ વાતાવરણમાં પલટાની આગાહી કરવામાં આવી છે. મેઘરાજા ખેલૈયાઓના રંગમાં ભંગ પાડે તેવી સંભાવના સર્જાઇ છે. હવામાન વિભાગની આગાહી અનુસાર આગામી બે દિવસ ઉત્તર ગુજરાત, સૌરાષ્ટ્રમાં હળવો વરસાદ પડી શકે છે. સોમવારે અમદાવાદ, બનાસકાંઠા, રાજકોટ, ભાવનગરમાં હળવા વરસાદની સંભાવના પણ હવામાન વિભાગે વ્યક્ત કરી છે.