ભારતના અબજોપતિ બિઝનેસમેન મૂકેશ અંબાણીએ તેમના પત્ની નીતા અંબાણીને તાજેતરમાં દેશની સૌથી મોંઘી કાર એસયુવી ભેટમાં આપી હતી.આ કારની કિંમત અધધધ 10 કરોડની છે.ઉલ્લેખનીય છે કે તાજેતરમાં જ નીતા અંબાણીનો જન્મ દિવસ હતો. આ SUVનું નામ Rolls Royce Cullinan Black Badge છે.
મુકેશ અંબાણી પહેલા પણ નીતા અંબાણીને ઘણી ભેટ આપી ચૂક્યા છે. મુકેશ અંબાણીએ એકવાર નીતા અંબાણીને કરોડો રૂપિયાનું લક્ઝરી જેટ ગિફ્ટ કર્યું હતું. રિપોર્ટ્સ અનુસાર, નીતા અંબાણીને ભેટમાં આપવામાં આવેલી આ SUV કાર લાલ રંગની છે. તે હાલમાં જ મુંબઈના રસ્તાઓ પર ઝેડ+ સિક્યોરિટીની વચ્ચે સુરક્ષાથી ઘેરાયેલી જોવા મળી હતી. નીતા અંબાણીને ગિફ્ટમાં મળેલી આ SUVની કિંમત 10 કરોડ રૂપિયા હોવાનું કહેવામાં આવી રહ્યું છે. મુકેશ અંબાણીની પાસે એકથી એક ચઢિયાતી ગાડીઓ છે. તેમાં રોલ્સ રોયસ, બેન્ટલી, લેન્ડ રોવર રેન્જ રોવર, કેડિલેક, ટેસ્લા, પોર્શે, ફેરારી, મર્સિડીઝ, બીએમડબ્લ્યુ, ઓડી, લેક્સસ, વોલ્વો અને ટોયોટા વગેરેનો સમાવેશ થાય છે.
