અમેરિકન ડોક્ટરોએ પ્રથમ વખત આંખની સંપૂર્ણ સર્જરી કરીને મેડિકલ જગતમાં ઈતિહાસ રચ્યો છે. આ માણસની આખી આંખનું વિશ્વનું પ્રથમ પ્રત્યારોપણ છે. આને મોટી સફળતા તરીકે વખાણવામાં આવી રહી છે, પરંતુ તે વ્યક્તિની આંખોની રોશની પાછી આવશે કે નહીં તે નિશ્ચિત નથી.
ડોક્ટરો વર્ષોથી સફળતાપૂર્વક કોર્નિયલ ટ્રાન્સપ્લાન્ટ કરી રહ્યા છે, પરંતુ સૌથી તાજેતરની શસ્ત્રક્રિયામાં માણસના ચહેરાનો ભાગ અને તેની આખી ડાબી આંખ દૂર કરવામાં આવી હતી. આ સર્જરીમાં રક્ત પુરવઠા અને તેની ઓપ્ટિક નર્વને નિયંત્રિત કરવાનો પણ સમાવેશ થાય છે. જે વ્યક્તિ પર આ સર્જરી કરવામાં આવી હતી તેને વર્ષ 2021માં 7200 વોલ્ટનો ઈલેક્ટ્રીક શોક લાગતા બચાવી લેવામાં આવ્યો હતો. આ ઘટનામાં 46 વર્ષીય વ્યક્તિને તેની ડાબી આંખ, તેના ડાબા હાથની કોણીની ઉપરનો ભાગ, તેના નાક અને હોઠ, આગળના દાંત, તેના ડાબા ગાલના ભાગો તેમજ તેની સાથે સાથે અનેક નાની-મોટી ઈજાઓ થઈ હતી.
ન્યૂયોર્કની એક હોસ્પિટલમાં આ વ્યક્તિના ચહેરાનું સફળ ટ્રાન્સપ્લાન્ટ કરવામાં આવ્યું હતું. પરંતુ આ પહેલાં પ્રાણીઓમાં આખી આંખનું પ્રત્યારોપણ કંઈક અંશે સફળ રહ્યું હતું, જે આંશિક દ્રષ્ટિને પુનઃસ્થાપિત કરે છે, પરંતુ જીવંત વ્યક્તિ પર આ પહેલાં ક્યારેય કરવામાં આવ્યું ન હતું.
આ દરમિયાન સર્જનોએ ખુલાસો કર્યો છે કે, જેમ્સ સફળ ટ્રાન્સપ્લાન્ટ પછી સારી રીતે સ્વસ્થ થઈ રહ્યો છે. એવું પણ કહેવામાં આવ્યું હતું કે દાન કરાયેલી આંખ નોંધપાત્ર રીતે સ્વસ્થ દેખાતી હતી. ડૉક્ટર એડ્યુઆર્ડો રોડ્રિગ્ઝે કહ્યું કે, ‘અમે પ્રથમ વખત ચહેરાની સાથે સંપૂર્ણ આંખનું સફળતાપૂર્વક ટ્રાન્સપ્લાન્ટ કર્યું છે. આ એક જબરદસ્ત સફળતા છે. આ શક્ય બનશે એવું કોઈએ સપનામાં પણ નહીં વિચાર્યું હોય.’
એક ન્યૂઝ ચેનલ સાથે વાત કરતા ડૉ.રોડ્રિગ્ઝે કહ્યું કે, ‘અમે એવો દાવો નથી કરી રહ્યા કે દ્રષ્ટિ પાછી આવશે. પરંતુ મારા મનમાં કોઈ શંકા નથી કે આંખોની દૃષ્ટિ પુનઃસ્થાપિત નહીં થાય.’ જેમ્સની ડાબી આંખ પર સર્જરી કરવામાં આવી હતી અને તેની જમણી આંખ હજુ પણ કાર્યરત છે. એક ઈન્ટરવ્યૂમાં જેમ્સે કહ્યું હતુ કે, ‘હું તેને સફળતા તરીકે જોઉં છું, તે ખૂબ જ સારી છે. આનાથી મેડિકલ ક્ષેત્રે નવા રસ્તાઓ ખુલશે.’
